மத்திய அரசு, இந்திய நர்ஸ் நிமிஷா பிரியாவை ஏமனில் இருந்து காப்பதற்காக அதிகம் முயஙசெய்ய முடியாது என உச்ச நீதிமன்றத்தில் தெரிவித்துள்ளது. தூக்கு தண்டனைக்கு தீர்வாக மத்திய அரசு மேற்கொள்ளும் முயற்சிகள் எல்லையை எட்டியுள்ளன என்றும், ஏமன் நாட்டை இந்தியா அதிகாரபூர்வமாக அங்கீகரிக்காததாலும் இராஜதந்திர நடவடிக்கைகளுக்கு இடம் இல்லை என்றும் கூறப்பட்டுள்ளது.

இந்த விவகாரம், உச்ச நீதிமன்ற நீதிபதிகள் விக்ரம் நாத் மற்றும் சந்தீப் மேத்தா அமர்வில் விசாரணைக்கு வந்தது. இதில் அங்கீகாரம் இல்லாத நாட்டான யேமனில் தூக்கு தண்டனையைத் தடுக்க மத்திய அரசு “மிகச்சிறந்த முயற்சிகளை” மேற்கொண்டுள்ளதாக இந்திய தலைமை சட்ட அதிகாரியான ரவீந்திர வேங்கடரமணி தெரிவித்துள்ளார். ஆனால், ஏமன் அரசிடம் சமர்ப்பிக்கப்பட்ட தயவுக்கோரிக்கை மற்றும் தூக்கு தண்டனையை தற்காலிகமாக நிறுத்துவதற்கான முயற்சி வெற்றி பெறவில்லை என்றும் அவர் கூறினார்.

நிமிஷா பிரியா – கேரளாவை சேர்ந்த இந்திய நர்ஸ் ஒருவர், ஏமனில் உள்ள தலால் அப்தோ மெஹ்டு என்ற ஏனியரை கொலை செய்ததாக குற்றச்சாட்டுக்குள்ளாகி கடந்த மூன்று ஆண்டுகளாக சிறையில் உள்ளார். ஏமன் ஜனாதிபதி ரஷாத் அல்-அலிமியின் ஒப்புதலுக்குப் பிறகு, நிமிஷா பிரியாவை வரும் புதன்கிழமை தூக்கில் இட திட்டமிடப்பட்டுள்ளது என தகவல் வெளியாகியுள்ளது.

இந்த நிலையில், “நிமிஷா பிரியாவை காப்பாற்றுங்கள்” எனும் இயக்கத்தினர், தாயார் பிரேமா குமாரி மற்றும் பல நிஆர்ஐ சமூக ஆர்வலர்கள், ‘தீயா’ (ரத்தப் பணம்) கட்டி தூக்கு தண்டனையை தவிர்க்க முயற்சி மேற்கொண்டு வருகின்றனர். இது ஷரீஆ சட்டப்படி சாத்தியமுள்ளதாகவும், அதனை அரசு வழியாக ஆதரிக்க வேண்டும் என உச்ச நீதிமன்றத்தில் மனு தாக்கல் செய்யப்பட்டுள்ளது.

தற்போது, இந்த விவகாரம் வரும் ஜூலை 18-ஆம் தேதி மீண்டும் விசாரணைக்கு எடுத்துக் கொள்ளப்படும் என்று நீதிமன்றம் அறிவித்து, மத்திய அரசுக்கு புதிய நிலை அறிக்கையை சமர்ப்பிக்க உத்தரவிட்டுள்ளது. இதனிடையே, கேரள முதலமைச்சர் பினராயி விஜயனும், பிரதமர் நரேந்திர மோடியிடம் நேரடியாக தலையீடு செய்ய வேண்டியிருப்பதாகவும் மனுவில் தெரிவிக்கப்பட்டுள்ளது.