டி20 உலகக் கோப்பையில் நமீபியாவுக்கு எதிரான போட்டியில் அதிரடியாகத் தொடங்கிய சஞ்சு சாம்சன், 8 பந்துகளில் 22 ரன்கள் எடுத்து அவுட்டானது குறித்து முன்னாள் ஜாம்பவான் சுனில் கவாஸ்கர் தனது கவலையைத் தெரிவித்துள்ளார்.

இது குறித்துப் பேசிய அவர், சஞ்சு சாம்சன் பேட்டிங் செய்யும் போது கிரீஸிற்கு மிகவும் பின்னால் (Too deep in the crease) சென்று ஆடுவதாகவும், அதுவே அவர் அவுட்டாவதற்கு முக்கிய காரணமாக இருப்பதாகவும் சுட்டிக்காட்டியுள்ளார்.

நமீபியா வீரர்கள் சஞ்சு சாம்சனை அவுட் செய்ய சரியான பீல்டிங் வியூகம் அமைத்ததாகவும், அதில் அவர் சரியாகச் சிக்கிக்கொண்டதாகவும் கவாஸ்கர் கூறியுள்ளார்.

குறிப்பாக, பாகிஸ்தான் போன்ற பலமான அணிகளுக்கு எதிராக விளையாடும் போது, சஞ்சு தனது கால்களை இன்னும் சரியாகப் பயன்படுத்தி, நிதானமாக விளையாடினால் மட்டுமே நிலைத்து நிற்க முடியும் என அவர் அறிவுறுத்தியுள்ளார்.

ஆரம்பத்தில் அதிரடி காட்டினாலும், சஞ்சு சாம்சன் தனது டெக்னிக்கில் இருக்கும் இந்தச் சிறு மாற்றத்தைச் சரிசெய்தால் மட்டுமே பெரிய ஸ்கோர்களை அடிக்க முடியும் என்பதே கிரிக்கெட் விமர்சகர்களின் கருத்தாக உள்ளது.