மகாராஷ்டிராவின் சந்திராபூர் மாவட்டத்தில் லிவ்-இன் உறவில் இருந்து வந்த 29 வயது பெண்ணை, அவரது காதலன் செல்போன் சார்ஜர் வயரால் கழுத்தை நெரித்துக் கொலை செய்த அதிர்ச்சி சம்பவம் வெளிச்சத்திற்கு வந்துள்ளது. துர்காபூர் பகுதியைச் சேர்ந்த பிரியங்கா என்ற அந்த பெண், தன்னை விட 7 வயது இளையவரான அங்கேஷ் என்பவருடன் வசித்து வந்தார்.

கடந்த மார்ச் 14-ஆம் தேதி இருவருக்கும் இடையே ஏற்பட்ட கடுமையான தகராறில், ஆத்திரமடைந்த அங்கேஷ் பிரியங்காவின் கழுத்தை நெரித்துக் கொன்றுவிட்டு, அவர் தற்கொலை செய்து கொண்டதாக நாடகமாடியுள்ளார்.

ஆரம்பத்தில் தற்கொலை என்று கருதப்பட்ட இந்த வழக்கில், 20 நாட்களுக்குப் பிறகு வெளியான பிரேதப் பரிசோதனை அறிக்கை பெரும் திருப்பத்தை ஏற்படுத்தியது. பிரியங்கா கழுத்து நெரிக்கப்பட்டு கொல்லப்பட்டதை மருத்துவர்கள் உறுதி செய்ததையடுத்து, காவல்துறையினர் அங்கேஷைக் கைது செய்து தீவிர விசாரணை நடத்தினர்.

விசாரணையில் அவர் தனது குற்றத்தை ஒப்புக்கொண்டார். கொலையூட்ட பயன்படுத்தப்பட்ட சார்ஜர் வயரை மீட்டெடுத்த போலீசார், அவர் மீது கொலை வழக்கு பதிவு செய்து விசாரணை நடத்தி வருகின்றனர். ஒரு சிறு தகராறு கொலையில் முடிந்த இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.