சமூக வலைத்தளங்களில் தினந்தோறும் நம்மை வியப்பில் ஆழ்த்தும் பல வீடியோக்கள் வைரலாவது வழக்கம், ஆனால் தற்போது எக்ஸ் (X) தளத்தில் வைரலாகி வரும் ஒரு அசாத்திய நீளமுள்ள ராட்சத வெள்ளை நிறச் சேவலின் வீடியோ ஒட்டுமொத்த இணையவாசிகளையும் அப்படியே வாயடைத்துப் போக வைத்துள்ளது.

@MisyDP என்ற கணக்கில், “கோழிகளுக்கு என்று ஒரு பாஸ்கெட்பால் டீம் இருந்தால், இந்தச் சேவல்தான் அதில் ஸ்டார் பிளேயராக இருக்கும்” என்ற கியூட் கேப்ஷனுடன் இந்த வீடியோ பகிரப்பட்டுள்ளது. அந்த வீடியோவில், ஒரு மனிதருக்கு அருகில் சற்றும் பயமில்லாமல் கம்பீரமாக நிமிர்ந்து நிற்கும் அந்தச் சேவலின் அசாத்திய உயரமும், பாடி பில்டர் போன்ற அதன் உடல் அமைப்பும் பார்ப்பவர்களை மிரள வைக்கிறது.

அங்குள்ள மற்ற சாதாரண கோழிகளுக்கு நடுவே ஒரு விளையாட்டு வீரரைப் போல நீளமான கால்களுடன் அது நடைபோடுவதைப் பார்த்தால், மற்ற கோழிகள் எல்லாம் அதன் முன்னால் மிகச் சிறிய உயிரினங்கள் போலக் காட்சியளிக்கின்றன. இந்த விசித்திரமான சேவலைப் பார்த்த நெட்டிசன்கள் பலரும் இது எந்த வகையான இனம் என்று ஆச்சரியத்துடன் கேள்வி எழுப்பத் தொடங்கிய நிலையில், இது ‘மலாய் சிக்கன்’ (Malay Chicken) என்ற மிக நீளமான கோழி இனம் என்பது தெரியவந்துள்ளது.

இணையத்தில் காட்டுத்தீயாய் பரவி வரும் இந்த வீடியோவைப் பார்த்து வியந்த மக்கள், “இது கோழி உலகத்தின் லெப்ரான் ஜேம்ஸ் (LeBron James of Chickens)” என்று உலகின் முன்னணி கூடைப்பந்து ஆட்டக்காரருடன் ஒப்பிட்டுப் பல சுவாரசியமான கமெண்ட்டுகளைத் தட்டிவிட்டு லைக்ஸ்களை குவித்து வருகின்றனர்.