தென்னாப்பிரிக்க கிரிக்கெட் வீரர் ஹென்ரிச் கிளாசன் தனது குடும்பத்தினருடன் வெளியே சென்றிருந்தபோது, அவரைப் பின்தொடர்ந்து வீடியோ எடுத்த ஒரு நபரை கடுமையாக எச்சரிக்கும் வீடியோ சமூக வலைதளங்களில் வைரலாகி வருகிறது.
மேலும் தனது மனைவி மற்றும் குழந்தையுடன் தனிப்பட்ட முறையில் நேரத்தைச் செலவிட்டுக் கொண்டிருந்த கிளாசன், அனுமதியின்றி தன்னை வீடியோ எடுத்த நபரைப் பார்த்து ஆத்திரமடைந்தார். “தொடர்ந்து வீடியோ எடுத்தால் நீ தரையில் கிடப்பாய்” என்று அந்த நபரை நோக்கி அவர் ஆக்ரோஷமாக எச்சரிக்கை விடுப்பது அந்த வீடியோவில் பதிவாகியுள்ளது.
இதனால் பிரபலங்கள் பொது இடங்களுக்கு வரும்போது அவர்களின் தனிப்பட்ட சுதந்திரம் எந்த அளவுக்குப் பாதிக்கப்படுகிறது என்ற விவாதத்தை இந்தச் சம்பவம் மீண்டும் கிளப்பியுள்ளது. கிளாசனின் இந்த கோபமான செயலுக்கு சமூக வலைதளங்களில் ஆதரவும் எதிர்ப்பும் கலந்து வருகின்றன.
ஒரு தரப்பினர் “தனிப்பட்ட நேரத்தில் தொந்தரவு செய்வது தவறு” என்று கிளாசனுக்கு ஆதரவாகக் கருத்துத் தெரிவிக்கின்றனர். அதே வேளையில், ஒரு சர்வதேச வீரர் இன்னும் நிதானத்தைக் கடைப்பிடித்திருக்கலாம் என்றும் சிலர் விமர்சித்து வருகின்றனர். தற்போது இந்த வீடியோ கிரிக்கெட் வட்டாரத்தில் பெரும் பரபரப்பை ஏற்படுத்தியுள்ளது.
