தமிழக சட்டப்பேரவையில் இன்று (ஜனவரி 22) ஊரக வேலை உறுதித் திட்டம் குறித்த விவாதத்தின் போது அனல் பறந்தது. “100 நாள் வேலைத் திட்டத்தை 150 நாட்களாக உயர்த்துவோம் என்று வாக்குறுதி கொடுத்தீர்களே… அது என்ன ஆனது?” என்று எதிர்க்கட்சித் தலைவர் எடப்பாடி பழனிசாமி அவர்கள் நச் என்று ஒரு கேள்வியைப் போட்டார். இதற்குப் பதிலளித்த முதலமைச்சர் மு.க.ஸ்டாலின் அவர்கள், “மத்தியில் இந்தியா கூட்டணி ஆட்சிக்கு வரும் என்ற நம்பிக்கையில் அந்த வாக்குறுதியை அளித்தோம்” என்று வெளிப்படையாகப் பதிலளித்தார். வாக்குறுதிகள் மற்றும் கூட்டணி அரசியல் குறித்த இந்த விவாதம் பேரவையையே அதிர வைத்தது.
​
​வாக்குறுதி குறித்த விவாதங்களுக்கு மத்தியில், முதலமைச்சர் ஒரு முக்கியமான அறிவிப்பையும் வெளியிட்டார். ‘G-RAM-G’ திட்டம் தொடர்பாக நாளை சட்டப்பேரவையில் ஒரு சிறப்புத் தீர்மானம் கொண்டுவரப்படும் என்று அவர் அறிவித்துள்ளார். ஊரகப் பகுதிகளின் வளர்ச்சி மற்றும் வேலைவாய்ப்பு தொடர்பாக இந்தத் திட்டம் ஒரு மைல்கல்லாக இருக்கும் என எதிர்பார்க்கப்படுகிறது. நாளை கொண்டுவரப்பட உள்ள இந்தத் தீர்மானம் அரசியல் வட்டாரத்தில் மிகப்பெரிய எதிர்பார்ப்பைக் கிளப்பியுள்ளது.