சனாதன தர்மம் குறித்த சர்ச்சைப் பேச்சால் நீதிமன்றத்தின் கண்டனத்திற்கு ஆளான துணை முதல்வர் உதயநிதி ஸ்டாலின் உடனடியாக தனது பதவியை ராஜினாமா செய்ய வேண்டும் என்று பாஜக மாநிலத் தலைவர் அண்ணாமலை அவர்கள் அதிரடியாக வலியுறுத்தியுள்ளார். திமுக அரசு எப்போதுமே நீதிமன்றத் தீர்ப்புகளை மதிப்பதில்லை என்றும், அவர்களின் இத்தகைய அராஜகமான செயல்பாடு கண்டிக்கத்தக்கது என்றும் அவர் மிகக் காட்டமாகச் சாடியுள்ளார்.
இந்த விவகாரம் தமிழகத்தைத் தாண்டி டெல்லி வரை பெரும் புயலைக் கிளப்பியுள்ளது. ஏற்கனவே மத்திய அமைச்சர் பியூஷ் கோயல் அவர்கள், “உதயநிதியை உடனடியாகப் பதவி நீக்கம் செய்ய வேண்டும்” என்று முதல்வர் ஸ்டாலினுக்கு நேரடி அழுத்தம் கொடுத்திருந்தார். தற்போது அண்ணாமலையும் இந்த விவகாரத்தைக் கையில் எடுத்துள்ளதால், திமுக அரசுக்கு நெருக்கடி அதிகரித்துள்ளது. நீதிமன்றத்தின் குட்டு, எதிர்க்கட்சிகளின் எதிர்ப்பு என உதயநிதி ஸ்டாலினைச் சுற்றி இப்போது அரசியல் மேகங்கள் சூழ்ந்துள்ளன
