இன்றைய காலகட்டத்தில் ஆன்லைன் மூலம் பொருட்களை ஆர்டர் செய்து வீட்டிற்கே வரவழைப்பது என்பது மிகவும் சாதாரணமாகிவிட்டது. ஆனால், அதே ஆன்லைன் டெலிவரி முறையால் வீடுகளுக்குள் இருக்கும் தனிநபர் பாதுகாப்பும், குறிப்பாக பெண்களின் பாதுகாப்பும் எந்த அளவுக்கு அச்சுறுத்தலுக்கு உள்ளாகிறது என்பதை வெளிச்சம் போட்டுக் காட்டும் வகையில் ஒரு அதிர்ச்சி வீடியோ இணையத்தில் வெளியாகி பெரும் விவாதத்தைக் கிளப்பியுள்ளது.
சமூக வலைதளங்களில் காட்டுத்தீயாய் பரவி வரும் ஒரு வீடியோவின்படி, ஆன்லைன் ஆர்டர் டெலிவரி செய்ய வந்த ஊழியர் ஒருவர், வீட்டின் கதவைத் திறந்தபோது அங்கு நின்ற இளம்பெண்ணைப் பார்த்துள்ளார். அந்தப் பெண்ணைக் கண்ட அடுத்த கணமே, அவர் அத்துமீறி வீட்டிற்குள் நுழைய முயன்றதாகக் குற்றம் சாட்டப்பட்டுள்ளது. ஊழியரின் இந்தத் திடுக்கிடும் செயலால் அந்த இடமே பெரும் பரபரப்பாக மாறியுள்ளது.
டெலிவரி பாயின் இந்த அத்துமீறலைக் கண்டு சுதாரித்துக் கொண்ட அந்தப் பெண்ணின் குடும்பத்தினர், உடனடியாக சத்தம் போட்டு அவரை எச்சரித்துள்ளனர். “வீட்டிற்குள் வராதே, உடனே வெளியே போ… காரிடார் பகுதிக்கு பின்னாடி நகர்ந்து நில்லு!” என்று அதிரடியாக உத்தரவிட்டு அவனது திட்டத்தைத் தவிடுபொடியாக்கியுள்ளனர்.
இந்தச் சம்பவம் தொடர்பான வீடியோ சமூக வலைதளங்களில் வெளியானதைத் தொடர்ந்து, ஆன்லைன் டெலிவரி மூலம் வாடிக்கையாளர்களின் பிரைவசி மற்றும் தனிநபர் பாதுகாப்பு எந்தளவிற்குப் பாதிக்கப்படுகிறது என்பது குறித்து நெட்டிசன்கள் பலரும் கவலை தெரிவித்து காரசாரமாக விவாதித்து வருகின்றனர்.
இருப்பினும், இணையத்தில் வைரலாகி வரும் இந்த வீடியோவில் கூறப்பட்டுள்ள குற்றச்சாட்டுகளின் உண்மைத்தன்மை இன்னும் அதிகாரப்பூர்வமாகவோ அல்லது சுயாதீனமாகவோ உறுதிப்படுத்தப்படவில்லை என்பது குறிப்பிடத்தக்கது.
