மதுரை ரயில் நிலையம் அருகே உள்ள எல்ஐசி (LIC) அலுவலகத்தில் கடந்த மாதம் நடந்த தீ விபத்தில், முதுநிலை மேலாளர் கல்யாணி நம்பி உடல் கருகி உயிரிழந்தார். அப்போது அங்கிருந்த உதவி மேலாளர் ராமகிருஷ்ணனுக்கும் தீக்காயங்கள் ஏற்பட்டதால், இது ஒரு விபத்து என்றே அனைவரும் நினைத்தனர். ஆனால், போலீஸார் நடத்திய தீவிர விசாரணையில் ஒரு அதிர்ச்சியான உண்மை வெளிவந்தது.
​
இறந்தவர்களின் பாலிசி இழப்பீட்டுத் தொகையை (Death Claims) வழங்குவதில் ராமகிருஷ்ணன் பல முறைகேடுகளைச் செய்துள்ளார். இதை மேலாளர் கல்யாணி நம்பி கண்டுபிடித்துத் தட்டிக்கேட்டதோடு, மேலதிகாரிகளுக்குப் புகார் அனுப்பப்போவதாகவும் எச்சரித்துள்ளார். இதனால் ஆத்திரமடைந்த ராமகிருஷ்ணன், திட்டமிட்டு பெட்ரோல் ஊற்றி கல்யாணி நம்பியை உயிரோடு எரித்துக் கொலை செய்துள்ளார்.

அதுமட்டுமில்லாமல், அந்த ஆதாரங்களை அழிக்க அலுவலகக் கோப்புகளையும் தீயிட்டு எரித்து விபத்து போல நாடகமாடியுள்ளார். தற்போது ராமகிருஷ்ணனை போலீஸார் கைது செய்து சிறையில் அடைத்துள்ளனர்.