2026 தமிழக சட்டமன்றத் தேர்தலில் தேசிய ஜனநாயகக் கூட்டணி வெற்றி பெற்று, தமிழகத்தை வளர்ச்சிப் பாதையில் கொண்டு செல்லும் என்று தமிழக பாஜக செய்தித் தொடர்பாளர் ஏ.என்.எஸ்.பிரசாத் தெரிவித்துள்ளார். பிரதமர் மோடியின் வழிகாட்டுதலில், தமிழகத்தில் திமுக ஆட்சியை அகற்றி புதிய மாற்றத்தை உருவாக்க மத்திய உள்துறை அமைச்சர் அமித்ஷா புதுக்கோட்டைக்கு வருகை தருகிறார்.
இந்த வருகை தமிழக அரசியலில் ஒரு முக்கிய திருப்புமுனையாக அமையும் என்றும், பாஜக மாநிலத் தலைவர் நயினார் நாகேந்திரனின் யாத்திரை நிறைவு விழா புதிய எழுச்சியை உண்டாக்கும் என்றும் அவர் கூறியுள்ளார்.
எடப்பாடி பழனிசாமி மற்றும் நயினார் நாகேந்திரன் ஆகிய இருவரும் ஒன்றிணைந்து செயல்பட்டு, வரும் தேர்தலில் வெற்றியை உறுதி செய்வார்கள் என்று பிரசாத் நம்பிக்கை தெரிவித்துள்ளார். தமிழகத்தின் வளர்ச்சி, தமிழ் மொழியின் பெருமை மற்றும் மக்களின் மகிழ்ச்சியை மீட்டெடுக்கும் வகையில் அமித்ஷாவின் வியூகம் அமையும்.
2026 தேர்தலில் அமோக வெற்றி பெற்று, தமிழக மக்களுக்கு ஒரு சிறந்த ஆட்சியை தமிழ் புத்தாண்டு பரிசாக தேசிய ஜனநாயகக் கூட்டணி வழங்கும் என்றும் தனது அறிக்கையில் அவர் குறிப்பிட்டுள்ளார்.
