தமிழகத்தின் பல்வேறு மாவட்டங்களில் வானிலை மாறுபாடு காரணமாக கனமழை பெய்யும் வாய்ப்பு உள்ளதாக இந்திய வானிலை ஆய்வு மையம் (IMD) தெரிவித்துள்ளது.

குறிப்பாக, இன்று (செப். 6) கோவை, தேனி, திண்டுக்கல், தென்காசி மாவட்டங்களில் கனமழை பெய்யும் என்றும் எச்சரிக்கப்பட்டுள்ளது. இதனால், அந்தந்த மாவட்டங்களில் பொதுமக்கள் மற்றும் விவசாயிகள் எச்சரிக்கையாக  இருக்குமாறு அதிகாரிகள் அறிவுறுத்தியுள்ளனர்.

அதேநேரத்தில், நாளை (செப். 7) திருவண்ணாமலை, கள்ளக்குறிச்சி, விழுப்புரம், கடலூர் மற்றும் மயிலாடுதுறை மாவட்டங்களில் கனமழை பெய்யும் என IMD தகவல் வெளியிட்டுள்ளது. மேலும், சென்னை மற்றும் அதனைச் சுற்றியுள்ள புறநகர் பகுதிகளில் லேசானது முதல் மிதமான மழை பெய்யக்கூடும் எனவும் கூறப்பட்டுள்ளது. இதனால், அடுத்த 24 மணி நேரத்திற்கு தமிழகத்தில் பல்வேறு இடங்களில் மழை நிலவ வாய்ப்பு அதிகமாக இருப்பதாக வானிலை மையம் தெரிவித்துள்ளது.