சட்டமன்றத் தேர்தல் நெருங்கி வருவதால், மற்ற கட்சிகளைச் சேர்ந்த நிர்வாகிகளை இழுத்துத் தங்கள் கட்சியைப் பலப்படுத்தும் வேலையில் அதிமுக படுவேகமாக இறங்கியுள்ளது. அதன் ஒரு பகுதியாக, சேலம் மாவட்டம் நரசிங்கபுரம் நகரத் தவெக (TVK) செயலாளர் வினோத் மற்றும் அவரது ஆதரவாளர்கள் பலரும் இன்று அதிரடியாக அதிமுகவில் இணைந்தனர்.

சேலத்தில் நடைபெற்ற இந்த நிகழ்வில், அதிமுக பொதுச்செயலாளர் எடப்பாடி பழனிசாமி முன்னிலையில் அவர்கள் தங்களை இணைத்துக் கொண்டனர்; அவர்களுக்கு ஈபிஎஸ் அதிமுக துண்டு அணிவித்து உற்சாகமாக வரவேற்றார். விஜய்யின் தமிழக வெற்றிக் கழகத்தில் இருந்து நிர்வாகிகள் விலகி அதிமுகவில் இணைந்திருப்பது, சேலம் மாவட்ட அரசியல் வட்டாரத்தில் பெரும் பரபரப்பை ஏற்படுத்தியுள்ளது. தேர்தல் நேரத்தில் நடக்கும் இந்த அணி மாற்றங்கள் அதிமுகவினரிடையே பெரும் உற்சாகத்தை ஏற்படுத்தியுள்ளது.