அரியலூர் மாவட்டம், தாவாடநல்லூர் கிராமத்தைச் சேர்ந்தவர் செல்வராஜ் (35). தேமுதிக கிளைச் செயலாளராக இருந்த இவர், கட்சியின் மேல் இருந்த பற்றால் கடலூரில் நேற்று நடந்த மாநாட்டிற்கு ஆர்வத்துடன் சென்றிருந்தார். மாநாடு கோலாகலமாக நடந்து கொண்டிருந்தபோது, தொண்டர்கள் உற்சாகத்தில் இருந்த நேரத்தில் திடீரென செல்வராஜ் மயங்கி விழுந்துவிட்டார்.

​அங்கிருந்த நிர்வாகிகள் உடனடியாக அவரை மீட்டு சிகிச்சைக்காக மருத்துவமனைக்குக் கொண்டு சென்றனர். ஆனால், அவரைப் பரிசோதித்த மருத்துவர்கள் செல்வராஜ் ஏற்கனவே இறந்துவிட்டதாகத் தெரிவித்தனர். உற்சாகமாகக் கொண்டாடப்பட வேண்டிய மாநாட்டுத் திடல், இந்தத் துயரச் செய்தியைக் கேட்டதும் பெரும் சோகத்தில் மூழ்கியது.