மத்திய கிழக்கு நாடுகளில் நிலவும் போர் பதட்டங்கள் காரணமாகப் பங்குச் சந்தையில் நிலையற்ற சூழல் நிலவுவதால், புதிய பங்குகளை வெளியிட திட்டமிட்டுள்ள நிறுவனங்களுக்கு செபி ஒரு முக்கிய சலுகையை வழங்கியுள்ளது. வழக்கமாக செபியின் அனுமதி கடிதம் கிடைத்த ஒரு குறிப்பிட்ட காலத்திற்குள் பங்குகளை வெளியிட வேண்டும் என்ற விதி உள்ளது.

ஆனால் தற்போது நிலவும் அசாதாரண சூழலைக் கருத்தில் கொண்டு, ஏப்ரல் 1, 2026 முதல் செப்டம்பர் 30, 2026-க்குள் காலாவதியாகவிருந்த அனுமதி கடிதங்களின் செல்லுபடியாகும் காலத்தை, வரும் செப்டம்பர் 30 வரை செபி நீட்டித்துள்ளது. இதனால் நிறுவனங்கள் மீண்டும் அனுமதி கோரி விண்ணப்பிக்கும் அலைச்சலும், கூடுதல் செலவும் தவிர்க்கப்படும்.

இந்த தளர்வு காரணமாக 190-க்கும் மேற்பட்ட நிறுவனங்கள் பயனடையும் என்று எதிர்பார்க்கப்படுகிறது. இந்த நிறுவனங்கள் இணைந்து சுமார் ₹2.5 லட்சம் கோடிக்கு மேல் நிதி திரட்டத் திட்டமிட்டுள்ளன. முதலீட்டாளர்களின் பங்கேற்பு குறைவாக இருப்பதாலும், சந்தையில் நிலவும் நிச்சயமற்ற தன்மையாலும் பல நிறுவனங்கள் தங்கள் ஐபிஓ வெளியீட்டைத் தள்ளி வைத்திருந்தன.

செபியின் இந்த ஒருமுறை தளர்வு நடவடிக்கையானது, சரியான நேரத்திற்காகக் காத்திருக்கும் நிறுவனங்களுக்குப் பெரும் நிம்மதியை அளித்துள்ளதுடன், பங்குச் சந்தையின் சீரான வளர்ச்சிக்கும் உதவும் என நம்பப்படுகிறது.