தமிழகத்தில் கிறிஸ்துமஸ் மற்றும் புத்தாண்டு பண்டிகை கொண்டாடப்பட உள்ள நிலையில் அதற்காக தயாரிக்கப்படும் கேக்கில் கூடுதல் நிறங்களை சேர்க்கக்கூடாது என்று பேக்கரி கடைகளுக்கு உணவு பாதுகாப்பு துறை உத்தரவிட்டுள்ளது. கேக்கில் பயன்படுத்தப்படும் கிரீம்களில் எந்த ஒரு ரசாயன பொருட்களையும் கலக்கக்கூடாது என்றும் தரமான பொருட்களை மட்டுமே பயன்படுத்த வேண்டும் என்றும் அறிவுறுத்தியுள்ளது. மேலும் விதிகளை மீறும் கடைகள் மீது கடும் நடவடிக்கை எடுக்கப்படும் என எச்சரிக்கை விடுக்கப்பட்டுள்ளது.