சமூக வலைத்தளங்களில் தினந்தோறும் பல விசித்திரமான வீடியோக்கள் வைரலாவது வழக்கம். அந்த வகையில், லிஃப்ட் கதவுக்கு மிக அருகில் ஒரு பெண்ணின் முகத்தைப் பார்த்து, ஒரு நபர் பயத்தில் மாரடைப்பு வராத குறையாக அலறிய வீடியோ ஒன்று தற்போது இணையத்தில் தீயாய் பரவி வருகிறது.
மேலும் ட்ரிப்யூன் இந்தியா செய்தி நிறுவனத்தின்படி, ஒரு நபர் லிஃப்ட்டைப் பயன்படுத்துவதற்காக அதன் கதவு திறக்கும் வரை பொறுமையாகக் காத்திருக்கிறார். கதவு திறந்த அடுத்த கணமே, அவருக்கு இன்ப அதிர்ச்சிக்கு பதிலாக ஒரு பேரதிர்ச்சி காத்திருந்தது.
Man gets near-heart attack after seeing woman’s face too close to lift door, Internet can’t stop laughing https://t.co/p4WFIt6ADu
“>
ஏனெனில், உள்ளே இருந்த ஒரு பெண்மணி, லிஃப்ட் கதவுக்கு மிக மிக நெருக்கமாகத் தன் முகத்தை வைத்துக்கொண்டு நின்றிருந்தார். எதிர்பாராத இந்தச் சூழலால் நிலைகுலைந்த அந்த நபர், பயத்தில் அலறித் துடித்து பின்வாங்கினார்.
இந்த எதிர்பாராத மற்றும் வேடிக்கையான தருணம் அங்குள்ள கண்காணிப்பு கேமராவில் பதிவாகி, தற்போது இணையவாசிகளைப் பெருமளவில் கவர்ந்துள்ளது. இந்த வீடியோவைப் பார்த்த நெட்டிசன்கள் தங்களது சிரிப்பைக் கட்டுப்படுத்த முடியாமல் பல்வேறு கருத்துக்களைப் பகிர்ந்து வருகின்றனர்.
இதனால் “ஒரு நொடி அந்த மனிதருக்கு நிஜமாகவே மாரடைப்பு வந்திருக்கும் போல!” என்றும், “லிஃப்ட்டுக்குள் இப்படி கதவை ஒட்டி யாரும் நிற்கக் கூடாது” என்றும் நகைச்சுவையாகக் கூறி வருகின்றனர். பயமும் திகைப்பும் கலந்த அந்த நபரின் ரியாக்ஷன் தான் இந்த வீடியோ இவ்வளவு வேகமாக வைரலாவதற்கு முக்கியக் காரணமாக அமைந்துள்ளது.
