தமிழகச் சட்டப்பேரவையில் இன்று நடைபெறும் கூட்டத்தில், விடுதலைச் சிறுத்தைகள் கட்சியின் சார்பில் சமூக நலத்துறை மானியக் கோரிக்கை தாக்கல் செய்யப்படவுள்ளது. விசிக சார்பில் இந்த மானியக் கோரிக்கையை அம்ரவதியின் புதிய அமைச்சராகப் பொறுப்பேற்றுள்ள வன்னி அரசு தாக்கல் செய்ய உள்ளதாக அறிவிக்கப்பட்டுள்ளது.

கடந்த முப்பது ஆண்டுகளுக்கும் மேலாகக் களப்போராட்டங்களிலும் கொள்கை முழக்கங்களிலும் சமரசமின்றி ஈடுபட்டு வந்த வன்னி அரசு, சமூக நலத்துறை அமைச்சராகத் தனது முதல் மானியக் கோரிக்கையைச் சமர்ப்பிப்பது வரலாற்றுச் சிறப்புமிக்க தருணமாகப் பார்க்கப்படுகிறது.

பழங்குடி மற்றும் தாழ்த்தப்பட்ட மக்களின் அதிகார மேம்பாட்டை நோக்கியும், சமூக நீதியை அடுத்த கட்டத்திற்கு நகர்த்துவதையும் இலக்காகக் கொண்டு இந்தத் துறை சார்ந்த கொள்கை அறிவிப்புகள் மற்றும் திட்டங்கள் வெளியாகும் என எதிர்பார்க்கப்படுகிறது.

அரசியல் அதிகாரமானது மக்களின் சமூக மாற்றத்திற்கான கருவியாக மாற வேண்டும் என்ற அம்பேத்கரின் கொள்கையை அடிப்படையாகக் கொண்டு புதிய திட்டங்கள் அமல்படுத்தப்படும் எனத் தெரிவிக்கப்பட்டுள்ளது.

“>

 

வன்னி அரசின் இந்தச் சிறப்பான தொடக்கத்திற்கு அரசியல் தலைவர்களும் விசிக நிர்வாகிகளும் தங்களது வாழ்த்துகளையும் பாராட்டுகளையும் தெரிவித்து வருகின்றனர்.