சமூக வலைத்தளங்களை நல்ல விஷயங்களுக்குப் பயன்படுத்துவதை விட்டுவிட்டு, குறுக்கு வழியில் பணம் சம்பாதிக்க முயன்ற ஒரு கும்பலின் அதிர்ச்சி வீடியோ மோசடி தற்போது வெளிச்சத்திற்கு வந்துள்ளது.
மேலும் சத்தீஸ்கரில் உள்ள ஒரு கும்பல், யூடியூப் வீடியோக்களைப் பார்த்து கள்ள நோட்டுகளை எப்படி அச்சடிப்பது என்று கற்றுக்கொண்டுள்ளது. பின்னர், அச்சு அசலாக நிஜ நோட்டுகளைப் போலவே இருக்கும் கள்ள நோட்டு கட்டுகளை இயந்திரங்கள் மூலம் வேகமாக அச்சடித்துள்ளனர்.
இதனால் இந்த நோட்டுகளை புழக்கத்தில் விட அவர்கள் திட்டமிட்டிருந்த நிலையில், ஒரு பால்காரரின் சாதுரியத்தால் இவர்களது மொத்த திட்டமும் தவிடுபொடியானது. அந்தக் கும்பலைச் சேர்ந்த ஒருவர், பால்காரரிடம் பால் வாங்கிவிட்டு இந்த கள்ள நோட்டை மாற்ற முயன்றுள்ளார். ஆனால், அந்த நோட்டின் தரத்தில் சந்தேகம் அடைந்த பால்காரர், அதை உற்று கவனித்து அது போலி நோட்டு என்பதை உடனடியாகக் கண்டுபிடித்தார்.
இந்நிலையில் விரைந்து வந்த போலீசார், சம்பந்தப்பட்ட நபர்களைக் கைது செய்து, அவர்கள் பதுக்கி வைத்திருந்த போலி நோட்டு கட்டுகள் மற்றும் அதை அச்சடிக்கப் பயன்படுத்திய உபகரணங்களைப் பறிமுதல் செய்தனர். யூடியூப் பார்த்து அதிவேகமாக பணக்காரராக முயன்றவர்களின் ஆசை, ஒரு சாதாரண பால்காரரின் விழிப்புணர்வால் தற்போது சிறைக்கதவுகளுக்குப் பின்னால் முடிவடைந்துள்ளது.
