உத்தரப் பிரதேச மாநிலம் காசியாபாத் பகுதியில் அமைந்துள்ள பிரபல ‘தனிஷ்க்’ நகைக்கடையின் ஊழியர் ஒருவர், சினிமா பாணியில் 4 கோடி ரூபாய் மதிப்பிலான நகைகளைக் கொள்ளையடித்துச் சென்றுள்ளார். கடைக்குள்ளேயே தனக்குத் திருமண வரவேற்பு விழா நடப்பது போல நாடகமாடிய அவர், மற்ற ஊழியர்களின் கவனத்தைத் திசைதிருப்பிவிட்டு, மிகத் தந்திரமாக நகைகளைத் திருடியுள்ளார். இந்தச் சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.

​கொள்ளைச் சம்பவம் குறித்துக் கண்காணிப்பு கேமரா (CCTV) காட்சிகளை ஆய்வு செய்த காவல் துறையினர், வழக்குப் பதிவு செய்து தீவிர விசாரணை மேற்கொண்டு வருகின்றனர். ஊழியரின் இந்தத் துணிச்சலான திருட்டுச் செயலில் அவருக்கு வேறு யாரேனும் உடந்தையாக இருந்தார்களா என்ற கோணத்திலும் விசாரணை நடக்கிறது. கொள்ளையடித்துவிட்டுத் தலைமறைவாகியுள்ள அந்த ஊழியரை காவல்துறையினர் வலைவீசித் தேடி வருகின்றனர்.