தமிழக எதிர்க்கட்சித் தலைவர் உதயநிதி ஸ்டாலின் அவர்கள் பெண்களை இழிவுபடுத்தும் விதமாக “ஐட்டம் சாங்” என்ற வார்த்தையைப் பயன்படுத்திப் பேசியது, தற்போது பெண்கள் மத்தியில் மிகப்பெரிய கொந்தளிப்பையும் கண்டனக் குரல்களையும் எழுப்பியுள்ளது. இது குறித்து எக்ஸ் (X) வலைதளத்தில் பெண் ஒருவர் உதயநிதி ஸ்டாலினுக்கு எதிராகப் பதிவிட்டுள்ள காரசாரமான கருத்து சமூக வலைதளங்களில் பயங்கரமாக வைரலாகி வருகிறது. “ஐட்டம் சாங் என்பது பெண்களை இழிவுபடுத்தி, அவர்களை வெறும் உணர்ச்சியற்ற ஒரு பொருளாகக் கூறுவது; இது எந்த விதத்திலும் நகைச்சுவை கிடையாது” என்று அவர் தனது பதிவில் மிகவும் ஆணித்தரமாகத் தனது கண்டனத்தைப் பதிவு செய்துள்ளார்.

​மேலும் அந்தப் பெண், “வார்த்தைகள்தான் இந்த உலகத்தை உருவாக்குகின்றன; இப்படிப்பட்ட தவறான வார்த்தைகளை நாம் சாதாரணமாக கடந்து போகக் கூடாது (Normalize செய்ய வேண்டாம்). இதன் நீட்சியாகத்தான் சமுதாயத்தில் பெண்களுக்கு எதிரான பாலியல் குற்றங்கள் தொடர்ந்து அதிகரிக்கின்றன” என்று உதயநிதிக்கு மிகக் கடுமையான எச்சரிக்கையையும் விடுத்துள்ளார். பெண்களைக் கேவலப்படுத்தும் விதமாகப் பேசிய எதிர்க்கட்சித் தலைவர் உதயநிதி ஸ்டாலினை வறுத்தெடுத்து, அந்தப் பெண் வெளியிட்டுள்ள இந்த நியாயமான கண்டனப் பதிவு தற்போது எக்ஸ் தளத்தில் வைரலாகி, பொதுமக்கள் மத்தியிலும், குறிப்பாகப் பெண்கள் மத்தியிலும் பெரும் ஆதரவைப் பெற்று வருகிறது.