இந்தியக் குற்றவியல் வரலாற்றில் கள்ளக்காதல் மற்றும் பேராசையின் காரணமாகத் தங்களது கணவன்மார்களையும், வருங்கால கணவர்களையும் மிகக் கொடூரமான முறையில் கொலை செய்து நாடகமாடிய 8 ‘துரோக நங்கைகளின்’ அதிர்ச்சி கதைகள் ஒட்டுமொத்த சமுதாயத்தையும் உறைய வைத்துள்ளன.

மகாராஷ்டிராவின் புனேவில் ரியல் எஸ்டேட்  நிறுவன இயக்குநர் கேதன் அகர்வால் என்பவரை அவரது மனைவி  சியா கோயல், தனது காதலன் சேவக் சௌத்ரியுடன் சேர்ந்து ஆழமான பள்ளத்தாக்கில் தள்ளிவிட்டு விபத்து போல நாடகமாடி மாட்டிக்கொண்டார்.

இரண்டாவதாக இந்தூர் நகரைச் சேர்ந்த சோனம் ரகுவஞ்சி என்ற 25 வயது பெண், கடந்த 2025 மே மாதம் ராஜா ரகுவஞ்சியைத் திருமணம் செய்து கொண்டு ஷில்லாங்கிற்கு ஹனிமூன் சென்ற இடத்தில், தனது காதலன் ராஜ் குஷ்வாஹா ஏற்பாடு செய்த 3 கூலிப்படையினரை வைத்துக் கணவரைக் கொடூரமாகக் கொன்றுவிட்டு கொள்ளை நாடகமாடினார்.

மூன்றாவதாக மீரட்டைச் சேர்ந்த முஸ்கான் ரஸ்தோகி என்பவர், லண்டனில் இருந்து வந்த தனது கணவர் சௌரவ் ராஜ்புத்தை காதலன் சாஹில் சுக்லாவுடன் சேர்ந்து கடந்த 2025 மார்ச் 4 அன்று போதைப்பொருள் கொடுத்துக் கொன்று, உடலை 4 துண்டுகளாக வெட்டி சிமெண்ட் நிரப்பிய நீல நிற டிரம்முக்குள் மறைத்து வைத்துவிட்டு ஹிமாச்சலப் பிரதேசத்திற்குத் தப்பியோடி போலீசில் சிக்கினார்.

நான்காவதாக உத்தரப் பிரதேசத்தின் அவுரையா மாவட்டத்தைச் சேர்ந்த பிரகதி யாதவ், கடந்த 2025 மார்ச்சில் திலீப் என்பவரைத் திருமணம் செய்த 15 நாட்களிலேயே தனது கிராமத்து காதலன் அனுராக் யாதவுடன் சேர்ந்து, 2 லட்சம் ரூபாய் கூலிப்படை கொடுத்துக் கணவரைத் தலையில் சுட்டுக் கொன்ற விபரம் மொபைல் கால் ரெக்கார்டுகள் மூலம் அம்பலமானது.

ஐந்தாவதாக கடந்த 2017-ல் தெலங்கானாவில் சுவாதி என்ற பெண் தனது காதலன் ராஜேஷுடன் சேர்ந்து கணவர் சுதாகரை அடித்துக் கொன்று காட்டில் எரித்துவிட்டு, காதலன் முகத்தில் ஆசிட் ஊற்றி அவர்தான் தனது கணவர் என்று பிளாஸ்டிக் சர்ஜரி செய்ய முயன்றார்; ஆனால் மருத்துவமனையில் ‘சைவ’ காதலன் ராஜேஷ் ‘மட்டன் சூப்’ குடிக்க மறுத்ததால் இந்த மெகா தில்லுமுல்லு வெளிச்சத்திற்கு வந்தது.

ஆறாவதாக மத்தியப் பிரதேசத்தின் தாரை சேர்ந்த இன்ஸ்டாகிராம் ரீல்ஸ் பைத்தியமான பிரியங்கா புரோஹித், கடந்த 2026 ஏப்ரலில் தனது கணவர் தேவகிருஷ்ணனைக் “கருப்பாக இருக்கிறாய், எனக்குத் தகுதியில்லை” என்று அவமானப்படுத்தி, காதலன் கமலேஷுடன் சேர்ந்து வீட்டிற்குள்ளேயே அடித்துக் கொன்றுவிட்டு கொள்ளையர்கள் கொன்றதாகப் பொய் வழக்குப் போட்டு கம்பி எண்ணி வருகிறார்.

ஏழாவதாக லண்டனில் வசித்து வந்த சுக்பிரீத் சிங் என்பவர் ஷாஜகான்பூரில் உள்ள தனது சொந்த கிராமத்திற்கு விடுமுறைக்கு வந்த போது, அவரது மனைவி ரமண்தீப் கவுர் தனது கள்ளக்காதலன் குர்பிரீத்துடன் சேர்ந்து குடும்பத்தினர் அனைவருக்கும் பிரியாணியில் தூக்க மாத்திரை கொடுத்துவிட்டு, தூங்காமல் பார்த்துக் கொண்டிருந்த 9 வயது மகனின் கண் முன்னாடியே கணவரின் கழுத்தை அறுத்துக் கொன்றார்; மகனின் சாட்சியத்தால் இந்தத் தாய்க்குத் தற்போது தூக்குத் தண்டனை விதிக்கப்பட்டுள்ளது.

எட்டாவதாக ராஜஸ்தான் தலைநகர் ஜெய்ப்பூரில் கடந்த 2025-ல் கோபாலி தேவி என்ற பெண் தனது கள்ளக்காதல் விவகாரத்தை மறைப்பதற்காகத் தனது கணவர் தன்னாலாலை மிகக் கொடூரமான முறையில் திட்டமிட்டு கொலை செய்து போலீசாரிடம் சிக்கியுள்ளார்.

திரைப்படங்களையும் மிஞ்சும் வகையில் சமூக வலைதளங்களின் மோகத்தாலும், திருமணத்திற்கு அப்பாற்பட்ட கள்ள உறவுகளாலும் அரங்கேறியுள்ள இந்த 8 கொடூர கொலைச் சம்பவங்கள், தற்கால சமூகத்தின் தார்மீக வீழ்ச்சியைப் பறைசாற்றுவதாக நெட்டிசன்கள் இணையத்தில் கவலை தெரிவித்து வருகின்றனர்.