உயிரினங்களுக்கு உணவளிப்பது மிகப்பெரிய புண்ணியமாக கருதப்படுகிறது. இதனைப் பின்பற்றும் வகையில், ஒரு தம்பதியினர் ஆற்றில் உள்ள மீன்களுக்குப் பொரி உள்ளிட்ட உணவுகளை வழங்க முடிவு செய்தனர். ஒரு பாலத்தின் மீது நின்றபடி அவர்கள் ஒரு மூட்டை நிறைய பொரியை ஆற்றுக்குள் கொட்டியபோது, அங்கிருந்த மீன்கள் அனைத்தும் ஒரே நேரத்தில் அதன் மீது பாய்ந்தன.

அந்த மீன்கள் எவ்வளவு பசியுடன் இருந்தன என்றால், ஒரு சில வினாடிகளிலேயே அந்த உணவை முழுமையாகத் தின்று தீர்த்தன. பொரி விழுந்த வேளையில் ஆற்றின் அந்தப் பகுதி முழுவதும் மீன்களின் கூட்டத்தால் வெள்ளை நிறமாக மாறியது காண்போரை வியப்பில் ஆழ்த்தியது.
<a href=”http://

“>
இந்த வீடியோ தற்போது சமூக வலைதளங்களில் பல மில்லியன் பார்வைகளைப் பெற்று வைரலாகி வருகிறது. 30 வினாடிகளுக்குள் ஒரு மூட்டை பொரியும் காணாமல் போனதைக் கண்டு நெட்டிசன்கள் பலரும் தங்களது கருத்துகளைப் பகிர்ந்து வருகின்றனர். “இயற்கையின் படைப்பில் பசி என்பது அனைவருக்கும் பொதுவானது” என்றும், அந்த மீன்கள் எந்த அளவுக்குப் பசியால் வாடியிருக்கும் என்றும் மக்கள் கமெண்ட் செய்து வருகின்றனர். விலங்குகளின் பசியைப் போக்கும் இந்தத் தம்பதியினரின் செயலைப் பலரும் பாராட்டி வருகின்றனர்.