மாநில முதல்வர் திரு. மு.க. ஸ்டாலின் உடல்நலக்குறைவால் மருத்துவமனையில் அனுமதிக்கப்பட்ட செய்தி அறிந்ததும், பிரபலத் தொலைக்காட்சி நடிகரும் , சமூக ஊடக செயற்பாட்டாளருமான தாடி பாலாஜி தனது உணர்ச்சிகளை பகிர்ந்துள்ளார். “எனது மனம்தான் சரியில்லை. அவருக்கு விரைவில் நலம் கிட்ட வேண்டும் என நாங்கள்  தொடர்ந்து பிரார்த்தனை செய்கிறோம்” எனத் தெரிவித்த தாடி பாலாஜி, தனது சமூக வலைதள பக்கத்தில் ஒரு உணர்ச்சிமிகு வீடியோ வெளியிட்டுள்ளார்.

மேலும், தமிழக வெற்றிக்கழகத்தில் நடந்த வைஷ்ணவி விவகாரத்தையும் தாடி பாலாஜி நேரடியாக எடுத்து பேசினார். கட்சியில் இணைந்துள்ள பெண் உறுப்பினர்களுக்கு முழுமையான பாதுகாப்பும், மரியாதையும் வழங்கப்பட வேண்டும் என வலியுறுத்திய அவர், “வந்தவுடன் ஒரு தொண்டனாக இருந்தாலும், கட்சிக்கு தலைவலியாக இருக்கக் கூடாது.

ஒரு கட்சி தலைவரை குறை கூறும் வகையில் தவறான வார்த்தைகள் பயன்படுத்தப்படக் கூடாது. அது கட்சி தலைமைக்கும், அந்த தலைவரின் சுயமரியாதைக்கும் நேரடியான தாக்கத்தை ஏற்படுத்தும்” எனக் கூறினார்.

அதே நேரத்தில், தவெக-வில் உள்ள சில உறுப்பினர்களால் வைஷ்ணவிக்கு இழிவான வார்த்தைகள் பயன்படுத்தப்பட்டதாக சமூக ஊடகங்களில் பரவிய புகார்கள் குறித்து கருத்து தெரிவித்த தாடி பாலாஜி, “பெண்கள் அரசியலுக்குள் வருவது ஊக்கப்படுத்தப்படவேண்டியது. ஆனால் இப்போது சிலர் பேசும் பேச்சுகள், நடத்தை, பெண்ணுரிமைக்கு எதிராக உள்ளது. இது ஜனநாயகத்திற்கு எதிரான விஷயமாகும். கட்சி தலைமை இது குறித்து கவனம் செலுத்தி, உரிய நடவடிக்கை எடுக்க வேண்டும்” என சுட்டிக் காட்டினார்.

இவ்வாறு, தனிப்பட்ட உணர்ச்சியுடனும், பொது நல உணர்வுடனும், தாடி பாலாஜி வெளியிட்ட உரை, சமூக வலைதளங்களில் பலராலும் பாராட்டப்படுகின்றது.