ஆவடி காவல் ஆணையரகத்தில் இளம்பெண் ஒருவர் அளித்துள்ள புகார் மனு, கேட்போர் நெஞ்சைப் பதறவைப்பதாக உள்ளது. பல ஆண்டுகளாக ஒரு நபர் தனக்குப் பாலியல் துன்புறுத்தல் கொடுத்து வருவதாகவும், இது குறித்துத் தனது தந்தையிடம் முறையிட்டும் பலன் கிடைக்கவில்லை என்றும் அந்தப் பெண் கண்ணீருடன் தெரிவித்துள்ளார். அந்த நபர் தனது தந்தையின் தொழிலுக்கு (Business) பெரும் உதவியாக இருப்பதால், அவரோடு அட்ஜஸ்ட் செய்து போகுமாறு தந்தை தன்னை மிரட்டுவதாக அந்தப் பெண் தனது புகாரில் பகிரங்கமாகக் குற்றம் சாட்டியுள்ளார்.

​பெற்ற மகளின் பாதுகாப்பை விடத் தொழிலே முக்கியம் எனக் கருதும் தந்தையின் செயல் பெரும் அதிர்ச்சியை ஏற்படுத்தியுள்ளது. புகாரைப் பெற்றுக்கொண்ட ஆவடி போலீஸார், இது குறித்துத் தீவிர விசாரணை நடத்தி வருகின்றனர். அந்தப் பெண்ணுக்கு உரியப் பாதுகாப்பு வழங்கவும், சம்பந்தப்பட்ட நபர் மற்றும் அவருக்குத் துணையாக இருக்கும் தந்தை மீது சட்டப்படி கடும் நடவடிக்கை எடுக்கவும் சமூக ஆர்வலர்கள் கோரிக்கை விடுத்துள்ளனர்.