ரேஷன் கார்டு வைத்திருப்போருக்கு மத்திய-மாநில அரசுகளானது பெரும் வசதிகளை வழங்கி வருகிறது. தற்போது ரேஷனில் அரசால் ஒரு பெரிய மாற்றம் செய்யப்பட்டு இருக்கிறது. இதன் வாயிலாக கார்டு வைத்திருப்போருக்கு இரட்டிப்பு பலன் கிடைக்கும். இதற்கிடையில் 2024 ஆம் வருடத்திற்குள் சத்து நிறைந்த தரமான அரிசியை அரசு திட்டத்தின் வாயிலாக நாடு முழுவதும் விநியோகிக்க வேண்டும் என்பதே மத்திய அரசின் தற்போதைய நோக்கம் ஆகும்.

இந்த அரிசி தற்போது 269 மாவட்டங்களில் பிடிஎஸ் வாயிலாக விநியோகம் செய்யப்படுகிறது. முன்னதாக விநியோகிக்கப்பட்ட அரிசியை விடவும் இந்த அரிசியின் தரம் சிறப்பாக உள்ளதாக ரேஷன் அட்டைதாரர்கள் சொல்லி வருகின்றனர். மேலும் இந்த அரிசியில் சத்துக்கள் நிறைந்திருப்பதாக அரசிடமிருந்து தகவல் வெளியிடப்பட்டு உள்ளது.

ஆகவே ஊட்டச்சத்துக்கள் நிறைந்த இந்த தரமான அரிசி அரசால் இலவசமாக வழங்கப்படும் என்பது கவனிக்கத்தக்கது. அதோடு பொதுமக்கள் மத்திய அரசின் முழுமையான ரேஷன் பெறுவதற்கான சிறப்பு வசதியும் துவங்கப்பட்டுள்ளது. அதன்படி ​​தேசிய உணவுப் பாதுகாப்பு சட்டத்தின் கீழ் ரேஷன் கடைகளில் மின் தராசுகளுடன் மின்னணு பாயின்ட் ஆஃப் சேல் (EPOS) சாதனங்களை இணைக்க அரசாங்கம் முயற்சி செய்து வருகிறது. இதனால் கார்டுதாரர்கள் முழுமையாக ரேஷனை பெறலாம்.