திருவண்ணாமலை மாவட்டம் வட ஆண்டாப்பட்டு பகுதியில் நேற்று சோகமான சம்பவம் ஒன்று நிகழ்ந்தது. ஜெர்மனியில் வேலை செய்து வரும் அருணின் மனைவியும், மதுரையில் தலைமை காவலராக பணியாற்றும் அதிகாரியின் மகளுமான மகா லட்சுமி (25) தற்கொலை செய்து கொண்டுள்ளார். மூன்று ஆண்டுகளுக்கு முன் அருண் மற்றும் மகா லட்சுமி திருமணம் நடைபெற்றது. திருமணத்திற்கு பிறகு மகா லட்சுமி தனது கணவர் இல்லத்தில் வாழ்ந்து வந்தார்.

இந்த நிலையில், வரதட்சணை கேட்டு அவரது மாமியார் தொடர்ந்து அவரை மனதளவில் தொந்தரவு செய்ததாக கூறப்படுகிறது. உறவினர்களிடமிருந்து கிடைத்த தகவலின் அடிப்படையில், இந்த மன உளைச்சலுக்கிடையே மகா லட்சுமி மனமுடைந்த நிலையில் நேற்று தற்கொலை செய்துகொண்டதாக கூறப்படுகிறது. இந்த சம்பவம் குறித்து தகவல் அறிந்ததும் போலீசார் சம்பவ இடத்துக்கு விரைந்து சென்று அவரது உடலை கைப்பற்றி, பிரேத பரிசோதனைக்காக அனுப்பி வைத்துள்ளனர்.

தற்போது இந்த சம்பவம் தொடர்பாக வழக்கு பதிவு செய்யப்பட்டுள்ளது. மகா லட்சுமியின் மரணத்துக்கு காரணமாகக் கூறப்படும் மாமியார் உட்பட வீட்டில் இருந்தோரிடம் போலீசார் தீவிர விசாரணை மேற்கொண்டு வருகின்றனர்.