நடிகர் விஜய்யின் அரசியல் வருகையானது, 2026ஆம் ஆண்டு நடைபெறவுள்ள சட்டமன்றத் தேர்தலின் களத்தில் வழக்கத்திற்கு மாறான எதிர்பார்ப்பை ஏற்படுத்தியுள்ளது. விஜய் தொடங்கவிருக்கும் கட்சியுடன், மற்ற அரசியல் கட்சிகள் தேவைக்காகக் கைகோர்க்கும் கூட்டணி குறித்தும் அக்கட்சியின் தொண்டர்கள் மிகுந்த ஆர்வத்துடனும் எதிர்பார்ப்புடனும் உள்ளனர்.

இந்நிலையில், அரசியல் வட்டாரத்தில் சலசலப்பை ஏற்படுத்தும் வகையில், குழு சுரேஷ் என்பவர் விரைவில் சிஎஸ்கே என்ற பெயரில் புதிய அரசியல் கட்சி தொடங்கப் போவதாக அறிவித்துள்ளார். சினிமா தயாரிப்பாளர் மற்றும் அரசியல் விமர்சகர் என அறியப்படும் இவர், தனது கட்சியின் பெயரைக் கிரிக்கெட் அணியின் பெயரைக் கொண்டு அறிவித்திருப்பது அரசியல் களத்தில் புதுமையைப் பாய்ச்சியுள்ளது.

புதிய கட்சியைத் தொடங்க உள்ளதாக அறிவித்துள்ள குழு சுரேஷ், தனது கட்சியின் பெயரான ‘சிஎஸ்கே’ குறித்து விரைவில் அதிகாரப்பூர்வ அறிவிப்பை வெளியிடவுள்ளதாகவும் தெரிவித்துள்ளார். அதோடு மட்டுமல்லாமல், வரவிருக்கும் 2026 சட்டமன்றத் தேர்தலில், தான் தொடங்கவிருக்கும் சிஎஸ்கே கட்சியுடன் நடிகர் விஜய் நிச்சயமாக கூட்டணி அமைப்பார் என்று உறுதிபடத் தெரிவித்துள்ளார்.

ஒரு புதிய அரசியல் கட்சியின் தலைவராகப் பொறுப்பேற்கவுள்ள குழு சுரேஷ், விஜயுடன் கூட்டணி உறுதி என்று கூறியிருப்பது, தமிழக அரசியல் அரங்கில் பெரும் கவனத்தைப் பெற்றுள்ளது. விஜய்யின் அரசியல் நகர்வு குறித்த கேள்விகளும், அது குறித்த பல்வேறு யூகங்களும் நிலவி வரும் வேளையில், குழு சுரேஷின் இந்தத் திடீர் அறிவிப்புத் தமிழ்நாட்டின் அரசியல் களத்தில் புதிய விவாதங்களைக் கிளப்பியுள்ளது.