ஆசியக்கோப்பை இறுதிப்போட்டியில் இன்று இந்தியா – இலங்கை அணிகள் மோதுகிறது.

2023 ஆசியக் கோப்பையின் இறுதிப் போட்டி இன்று ஞாயிற்றுக்கிழமை கொழும்பில் உள்ள ஆர் பிரேமதாசா கிரிக்கெட் ஸ்டேடியத்தில் இந்தியா மற்றும் இலங்கை இடையே நடைபெற உள்ளது. 8வது முறையாக ஆசிய சாம்பியனாகும் முனைப்புடன் ரோஹித் படை களம் இறங்கவுள்ளது. அதேநேரம், தசுன் ஷானகாவின் தலைமையின் கீழ் உள்ள இலங்கை அணி 7வது முறையாக பட்டத்தை வெல்ல முயற்சிக்கும்.

இருப்பினும் கொழும்பில் நடைபெறும் இறுதிப் போட்டி நடைபெறும் இன்றைய நாளில் மழை பெய்வதற்கான வாய்ப்புகள் அதிகம். இப்படியான சூழ்நிலையில் டைட்டில் போட்டி மழையால் கைவிடப்பட்டால் வெற்றி பெறும் அணியை எப்படி முடிவு செய்வது என்ற கேள்வி எழுகிறது.

இறுதிப்போட்டியில் மழை பெய்தால் என்ன செய்வது?

இந்தியா மற்றும் இலங்கை இடையிலான இறுதிப் போட்டியின் நாளில் மழை பெய்ய 80 சதவீத வாய்ப்பு உள்ளது. அதாவது, சூப்பர்-4 சுற்று போல டைட்டில் போட்டியிலும் மழை வந்து கொண்டே இருக்க வாய்ப்புள்ளது. இதைக் கருத்தில் கொண்டு இறுதிப் போட்டிக்கு ரிசர்வ் நாள் வைக்கப்பட்டுள்ளது. அதாவது ஞாயிற்றுக்கிழமை இறுதிப் போட்டி மழையால் முடிவடையவில்லை என்றால், திங்கள்கிழமையும் (செப்டம்பர் 18) போட்டியை முடிக்க முடியும்.

ரிசர்வ் டே அன்று  மழை வந்த பிறகு வெற்றியாளர் யார்?

கொழும்பில் ஞாயிறு மற்றும் திங்கட்கிழமைகளில் கனமழை பெய்தால், வெற்றியாளர் எப்படி தீர்மானிக்கப்படுவார்? ரிசர்வ் நாளில் கூட, நாள் முழுவதும்  மழை பெய்து, ஒரு பந்து கூட விளையாடாமல் இருந்தால், இரு அணிகளும் கோப்பையை பகிர்ந்து கொள்ளும். விதிகளின்படி, இறுதிப் போட்டியின் முடிவைப் பெற, இரு அணிகளும் குறைந்தது 20-20 ஓவர்கள் விளையாடுவது அவசியம்.. ஆனால் ஒரு பந்துகூட வீசாமல் போட்டி நிற்க வாய்ப்பு குறைவு தான்..

இதனிடையே பாகிஸ்தானுக்கு எதிரான ஆட்டத்தின் போது வலது தொடை தசை காரணமாக கஷ்டப்பட்ட மகீஷ் தீக்ஷனா இறுதிப் போட்டிக்கு வரமாட்டார். ஸ்கேன் செய்து தசையில் காயம் இருப்பது உறுதி செய்யப்பட்டது. இலங்கை கிரிக்கெட் தேர்வுக்குழு தீக்ஷனாவுக்கு பதிலாக சஹான் ஆராச்சிகே அணியில் சேர்க்கப்பட்டுள்ளார்.

அதேபோல இந்திய அணியில் அக்சர் படேல் இலங்கை அணிக்கு எதிரான ஆட்டத்தின்போது காயமடைந்தார். அவருக்கு பதிலாக வாஷிங்டன் சுந்தர் இறுதிப்போட்டிக்கான இந்திய அணியில் சேர்க்கப்பட்டுள்ளார்.

டீம் இந்தியாவின் சாத்தியமான விளையாடும் லெவன் :