இந்திய கிரிக்கெட் அணியின் முன்னாள் வேகப்பந்து வீச்சாளரும், உலகக் கோப்பையை வென்ற அணியின் வீரருமான எஸ். ஸ்ரீசாந்த், தனது வாழ்க்கையின் மிக மோசமான காலகட்டத்தில் தனது மனைவி புவனேஸ்வரி அளித்த ஆதரவைப் பற்றி உருக்கமாகப் பேசியுள்ளார்.

மேலும் கடந்த 2013 ஆம் ஆண்டு ஐபிஎல் சூதாட்டப் புகாரில் சிக்கி அவர் கைது செய்யப்பட்டபோது, அவரது ஒட்டுமொத்த வாழ்க்கையும் தலைகீழாக மாறியது. அந்த இக்கட்டான சூழ்நிலையில், சிறைவாசத்தின் போது ஏற்பட்ட கடுமையான மன உளைச்சலால் தான் தற்கொலை செய்துகொள்ளும் எண்ணத்திற்குத் தள்ளப்பட்டதாகவும் கூறியுள்ளார்.

இந்நிலையில் அந்தப் புகாரைத் தொடர்ந்து பிசிசிஐ அவருக்கு வாழ்நாள் தடை விதித்திருந்தது. இதனால் ஏற்பட்ட அவமானங்களையும், மன அழுத்தங்களையும் தாங்கி மீண்டு வர அவரது மனைவி ஒரு மிகப்பெரிய தூணாக நின்றுள்ளார்.

பின்னர், பல வருட போராட்டங்களுக்குப் பிறகு ஸ்ரீசாந்த் மீதான வாழ்நாள் தடை நீக்கப்பட்டது குறிப்பிடத்தக்கது. தன் வாழ்வின் மிக இருண்ட நாட்களில் தனக்கு மறுவாழ்வு கொடுத்த பெருமை முழுமையாகத் தன் மனைவியையே சேரும் என்று ஸ்ரீசாந்த் இந்த பேட்டியில் நன்றியுடன் குறிப்பிட்டுள்ளார்.