விலங்குகள் மனிதர்களை விடவும் அசாத்தியமான பாச உணர்வு கொண்டவை என்பதை நிரூபிக்கும் வகையில், இறப்பதற்கு சில நிமிடங்களுக்கு முன்பு பூனை ஒன்று தனது உரிமையாளரிடம் விடைபெற்ற நெகிழ்ச்சியான சம்பவம் சமூக வலைத்தளங்களில் பார்ப்போரின் நெஞ்சை உருக வைத்துள்ளது. தன் வாழ்நாளின் கடைசி நொடிகள் நெருங்கிவிட்டதை அந்தப் பூனை முன்கூட்டியே உணர்ந்தது போல், மிகவும் பலவீனமான நிலையிலும் தட்டுத்தடுமாறி ஓடி வந்துள்ளது.
யாரும் எதிர்பாராத விதமாக, திடீரென மேஜை மீது குதித்து ஏறிய அந்தப் பூனை, தனக்கு இத்தனை காலம் வாரி வழங்கிய பாசத்திற்கு நன்றி செலுத்துவது போல, தனது உரிமையாளரை இறுக்கமாகக் கட்டிப்பிடித்து முத்தமிட்டுள்ளது. தன்னிடம் இருந்து நிரந்தரமாக விடைபெறப் போகிறது என்பதை உணர்த்திய அடுத்த சில நிமிடங்களிலேயே அந்தப் பூனை பரிதாபமாக உயிரிழந்துள்ள நிலையில், இந்த பாசப் போராட்டம் குறித்த காணொளி நெட்டிசன்களைக் கண்ணீரில் மூழ்கடித்துள்ளது.
