சமூக வலைதளங்களில் வைரலாகி வரும் ஒரு நெகிழ்ச்சியான வீடியோ, மனிதநேயத்திற்கும் கலைக்கும் எல்லைகள் இல்லை என்பதை மீண்டும் ஒருமுறை நிரூபித்துள்ளது. அர்ஜுன் கிராட்சாம்ஸ் எனும் கேப் டிரைவர், தனது காரில் பயணம் செய்த ஒரு சுற்றுலாப் பயணி தம்பதி மற்றும் அவர்களது பச்சிளம் குழந்தைக்கு ஒரு மறக்க முடியாத அனுபவத்தை வழங்கியுள்ளார்.
பயணத்தின் போது இசை வேண்டுமா என்று கேட்டுவிட்டு, பின்னணியில் ஒலித்த பழைய பாலிவுட் பாடலை அவரே மிக நேர்த்தியாகப் பாடத் தொடங்கினார். முதலில் அந்தப் பாடல் ரேடியோவில் தான் ஒலிக்கிறது என்று நினைத்த அந்தத் தம்பதி, பின்னர் டிரைவரே நேரலையில் பாடுவதைக் கண்டு வியப்பில் உறைந்து போயினர். இந்தத் தற்செயலான நிகழ்வு அந்தத் தம்பதியினரை மிகுந்த மகிழ்ச்சியில் ஆழ்த்தியது.
குறிப்பாக, அந்தப் பெண்ணின் முகத்தில் ஏற்பட்ட ஆச்சரியமான ரியாக்ஷன் மற்றும் தம்பதியினர் அந்த டிரைவரைப் பாராட்டிய விதம் இணையவாசிகளை வெகுவாகக் கவர்ந்துள்ளது. அர்ஜுன் தனது காரில் கேமரா பொருத்தி இதுபோன்ற பயணிகளின் அழகான தருணங்களைப் பதிவு செய்வதை வழக்கமாகக் கொண்டுள்ளார். தற்போது வெளியாகியுள்ள இந்த “Soulful” வீடியோ, இணையத்தில் ஆயிரக்கணக்கான லைக்குகளையும் இதயங்களையும் வென்று வருகிறது.
