சேலம் மாவட்டத்தில் செல்போன் பார்க்கக் கூடாது என்று பெற்றோர் கண்டித்ததால், பிளஸ்-2 மாணவர் தற்கொலை செய்துகொண்ட சம்பவம் பெரும் சோகத்தை ஏற்படுத்தியுள்ளது. 18 வயது மாணவர் நந்தகுமார், தேர்வு விடுமுறையில் எப்போதும் செல்போன் பார்த்துக் கொண்டிருந்ததால் அவரது பெற்றோர் அவரைக் கண்டித்துள்ளனர். இதனால் மனமுடைந்த மாணவர், தனது பாட்டி வீட்டிற்குச் சென்றுள்ளார்.

அங்கு வீட்டில் யாரும் இல்லாத நேரத்தில் நந்தகுமார் தூக்குப்போட்டு தற்கொலைக்கு முயன்றுள்ளார். இதைக் கண்ட அக்கம் பக்கத்தினர் அவரை மீட்டு ஒரு தனியார் மருத்துவமனைக்குக் கொண்டு சென்றனர். ஆனால், அவர் ஏற்கனவே இறந்துவிட்டதாக மருத்துவர்கள் தெரிவித்தனர். இது குறித்து போலீசார் வழக்குப் பதிவு செய்து விசாரித்து வருகின்றனர். செல்போன் பயன்பாட்டால் ஏற்பட்ட இந்த விபரீத முடிவு அந்தப் பகுதியில் பெரும் அதிர்ச்சியை ஏற்படுத்தியுள்ளது.