காளான்கள் சுவை மற்றும் ஊட்டச்சத்துக்கள் நிறைந்த ஒரு சிறந்த உணவாகத் திகழ்கிறது. இதில் புரதம், நார்ச்சத்து, வைட்டமின் பி, வைட்டமின் டி மற்றும் பொட்டாசியம் போன்ற ஏராளமான அத்தியாவசிய ஊட்டச்சத்துக்கள் நிறைந்துள்ளன.

காளான்களைத் தவறாமல் உணவில் சேர்த்துக்கொள்வது நோய் எதிர்ப்புச் சக்தியை அதிகரிப்பதுடன், ஆரோக்கியத்தைப் பேணவும், உடல் எடையைக் கட்டுப்படுத்தவும் பெரிதும் உதவுகிறது. பொதுவாக உணவகங்களில் மட்டுமே கிடைக்கும் பிரத்யேகக் காளான் உணவுகள், சரியான முறையைப் பின்பற்றி மிக எளிதாக வீட்டிலேயே தயாரித்து சுவைக்க முடியும்.

வீட்டிலேயே எளிதாகச் செய்யக்கூடிய ஐந்து முக்கிய உணவகப் பாணி காளான் உணவுகளில் முதன்மையானது காளான் பட்டர் மசாலா. வெங்காயம், தக்காளி, இஞ்சி-பூண்டு மற்றும் மிதமான மசாலாவுடன் காளான்களை வதக்கி, இறுதியில் சிறிதளவு வெண்ணெய் சேர்த்து இதனைத் தயாரிக்கலாம். அடுத்ததாக, லேசாக வதக்கிய காளான்களுடன் கேரட், பீன்ஸ், குடைமிளகாய் போன்ற காய்கறிகள் மற்றும் சாதம் சேர்த்து செய்யப்படும் காளான் ஃபிரைடு ரைஸ், குழந்தைகள் மற்றும் பெரியவர்கள் விரும்பி உண்ணும் சத்தான உணவாகும்.

மேலும், பூண்டு, வெங்காயம் மற்றும் காளான்களை லேசாக வதக்கி மிளகுத்தூள் சேர்த்துச் செய்யப்படும் காளான் சூப் உடலுக்குப் புத்துணர்ச்சியையும் ஊட்டச்சத்தையும் வழங்குகிறது. இதனுடன், முழு கோதுமை பாஸ்தா மற்றும் காய்கறிகளுடன் சேர்த்து செய்யப்படும் காளான் பாஸ்தா மற்றும் குடைமிளகாய், சாஸ் சேர்த்து செய்யப்படும் மிளகாய் காளான் (சில்லி மஷ்ரூம்) ஆகியவையும் மிகச் சிறந்த உணவக பாணி உணவுகளாகும்.

இவை நாவிற்குச் சுவையைத் தருவதுடன் உடலுக்குத் தேவையான புரதச் சத்தையும் அள்ளித் தருகின்றன.காளான் உணவுகளைச் சமைக்கும் போது சில முக்கியமான விஷயங்களைக் கவனத்தில் கொள்ள வேண்டும். எப்போதும் புதிய காளான்களையே தேர்ந்தெடுக்க வேண்டும்; அவற்றை நீண்ட நேரம் தண்ணீரில் ஊற வைக்கக் கூடாது.

மேலும் கூடுதல் நேரம் எண்ணெய், வெண்ணெய் அல்லது கிரீம் சேர்ப்பதைத் தவிர்ப்பதும், காளான்களை அதிக வேகவைக்காமல் அளவோடு சமைத்து உடனுக்குடன் பரிமாறுவதும் அதன் முழுமையான சுவையையும் சத்தையும் பெற உதவும்.