தமிழக வெற்றிக் கழகத் தலைவர் விஜய் அவர்களின் தேர்தல் பிரச்சாரப் பயணத்திற்குப் போதிய பாதுகாப்பு வழங்கக் கோரி, அக்கட்சியின் நிர்வாகிகள் ஆனந்த் மற்றும் ஆதவ் அர்ஜுனா ஆகியோர் சென்னை தலைமைச் செயலகத்தில் தமிழக தலைமைத் தேர்தல் அதிகாரி அர்ச்சனா பட்நாயக் அவர்களைச் சந்தித்து மனு அளித்துள்ளனர்.
பிரச்சாரத்தின்போது பல இடங்களில் அனுமதி மறுக்கப்படுவதாகவும், பாதுகாப்புச் சிக்கல்கள் இருப்பதாகவும் குற்றம் சாட்டியுள்ள தவெக நிர்வாகிகள், சுதந்திரமான முறையில் பிரச்சாரம் செய்ய ஏதுவாகத் தேர்தல் ஆணையம் உரிய பாதுகாப்பு நடவடிக்கைகளை மேற்கொள்ள வேண்டும் என்று அந்த மனுவில் வலியுறுத்தியுள்ளனர்.
