தளபதி விஜய் அரசியல் கட்சி தொடங்கியதுக்குப் பிறகு, சினிமா பிரபலங்களில் அரசியல் குறித்த ஆர்வம் அதிகரித்து வரும் நிலையில், நடிகை சோனியா அகர்வால் தற்போது அரசியலுக்கு வரக்கூடிய சாத்தியத்தைக் குறித்தும், தவெக தொடர்பான கேள்விகளுக்கும் பதிலளித்துள்ளார்.

அண்மையில் ஒரு நிகழ்ச்சியில் பங்கேற்ற போது, “அரசியலுக்கு வர விருப்பமா?” என கேட்கப்பட்டதற்கு, அவர் “சூழ்நிலையைப் பொறுத்து பார்க்கிறேன்” என்று கூறியதுடன், தவெகவில் இணைய வாய்ப்பு குறித்து கேட்கப்பட்டபோது சிரித்தபடியே பதிலளிக்காமல் நழுவினார். இது அவர் எதிர்காலத்தில் அரசியல் பாதைக்கு திரும்பலாம் எனும் எண்ணத்தை பலரிடமும் தூண்டியுள்ளது.

சோனியா அகர்வால் தற்போது பல புதிய திரைப்படங்களில்  நடித்து வருகிறார். கடந்த சில வருடங்களாகவே சமூக சேவையில் ஈடுபட்டு வரும் அவர், அரசியலில் நுழைவது பற்றி முன்பும் சில நேரங்களில் மௌனமாக இருந்துள்ளார். தற்போது அவர் நேரடியாக உறுதி செய்யவில்லை என்றாலும், சூழ்நிலைக்கேற்ப முடிவெடுப்பேன் என கூறியிருப்பது முக்கியமான அறிகுறியாக பார்க்கப்படுகிறது.

தளபதி விஜய்யின் தவெக அரசியல் கட்சி வளர்ச்சியடையும் போது, மேலும் பல சினிமா பிரபலங்கள் அவருடன் அரசியலில் இணையலாம் என்று எதிர்பார்க்கப்படுகிறது.