கர்நாடக மாநிலம் துமகூரு மாவட்டம் அருகே முத்தையாலம்மா கோவில் உள்ளது. இந்த கோவில் அருகே நேற்று ஒரு கருப்பு நிற பாலித்தீன் கவர் ஒன்று கிடந்தது. இதனால் சந்தேகம் அடைந்த கிராம மக்கள் திரண்டு வந்து பார்த்தனர். அதை திறந்து பார்த்தபோது அதில் கை இருந்தது. இதனால் அதிர்ச்சி அடைந்த மக்கள் காவல்துறையினருக்கு தகவல் தெரிவித்தனர். அதன்படி விரைந்து வந்த காவல்துறையினர் அந்த கையை கைப்பற்றி விசாரணை நடத்தி வந்தனர். இதற்கிடையில் கோவிலில் இருந்து ஒரு கிலோமீட்டர் தூரத்தில் மற்றொரு பாலத்தின் பையில் இன்னொரு கையும் கடந்தது.

இதையடுத்து இன்னொரு 1 கிலோ மீட்டர் தொலைவில் சில பாலிதீன் பைகளில் துண்டிக்கப்பட்ட 2 கால்களும், இதயம், வயிறு, குடல் ஆகிய உடல் பாகங்களும் இருந்தன. இதுகுறித்து தகவல் அறிந்து வந்த காவல் துறையினர் அனைத்து உடல் பாகங்களையும் கைப்பற்றினர். ஆனால் தலை மட்டும் கிடைக்கவில்லை. இதனால் காவல்துறையினர் தலையை தேடும் பணியில் தீவிரமாக ஈடுபட்டனர். அதோடு சேகரித்த உடல் பாகங்களை ஒன்றிணைத்த போது அது பெண்ணின் உடல் பாகம் என்பது தெரிய வந்தது. வேறு ஏதோ பகுதியில் பெண்ணை கொன்று அவரது உடல் துண்டு துண்டாக வெ ட்டி பாலித்தீன் பைகளில் மர்ம நபர்கள் வீசி சென்று இருக்கலாம் என்று காவல்துறையினர் கருதினர். இது குறித்து காவல்துறையினர் தொடர்ந்து தீவிர விசாரணை நடத்தி வருகின்றனர்.