திமுக மகளிரணி கூட்டத்தில் முதலமைச்சர் விஜய்யை கடுமையாக விமர்சித்த மு.க. ஸ்டாலினுக்கு, தவெக ஐடி விங் தனது எக்ஸ் பக்கத்தில் காட்டமான பதிலடி கொடுத்துள்ளது. ஸ்டாலின் அவர்கள் பொறாமையில் பேசுவதாகவும், 2026 தேர்தல் முடிவுகளைக் கண்டு அவர் பயப்படுகிறார் என்றும் தவெக விமர்சித்துள்ளது.
பெண்கள் பாதுகாப்பில் தவெக அரசு தீவிரமாகச் செயல்படுவதாகவும், ஸ்டாலின் அவர்களைப் போல அரசியலை மறந்து சமூக வலைதள ரீல்ஸ்களில் மூழ்காமல், நேர்மையான நிர்வாகத்தை முதல்வர் விஜய் வழங்கி வருவதாகவும் அந்தப் பதிவில் சுட்டிக்காட்டப்பட்டுள்ளது.
நிதி ஆயோக் கூட்டத்தில் தங்கள் தலைவர் ஆற்றிய உரையை நாடே பாராட்டிய நிலையில், டாஸ்மாக் சோதனைக்கு அஞ்சி டெல்லிக்கு ஓடிய ஸ்டாலின் அவர்கள் ஊழல் குறித்துப் பேசத் தார்மீக உரிமை இல்லை என்று தவெக சாடியுள்ளது.
தமிழகத்தை ஊழல் மூலம் சுருட்டியது திமுக குடும்பம் என்றும், லஞ்சமற்ற ஆட்சியை வழங்கும் முதல்வரைப் பற்றி விமர்சிக்க ஸ்டாலினுக்குத் தகுதியில்லை என்றும் தவெக ஐடி விங் தெரிவித்துள்ளது.
பா.ஜ.க-வின் அடிமையாகச் செயல்படும் திமுக, தங்கள் தலைவரின் ஊழலற்ற நிர்வாகத்தைப் பொறுத்துக்கொள்ள முடியாமல் வன்மத்துடன் வடை சுடுவதாகத் தவெக தரப்பு கடுமையாக விமர்சித்துள்ளது.
