ரயிலில் பயணம் செய்பவர்களுக்கு, ஒவ்வொரு ஸ்டேஷனிலும் விற்பனையாளர்கள் தின்பண்டங்கள், தண்ணீர் பாட்டில்கள் கொண்டு வருவது வழக்கம். ஆனால், வயிற்றுப் பிழைப்புக்காக உழைப்பவர்களிடமிருந்து திருடும் ஒரு சம்பவம், இன்ஸ்டாகிராமில் வெளியான காணொளியாக வைரலாகியுள்ளது. அந்த வீடியோவில், ஒரு இளைஞர் அப்பர் பெர்த்தில் அமர்ந்து, தண்ணீர், பாப்கார்ன், சாமோசா போன்ற நான்கு பொருட்களை, விற்பனையாளர்களுக்கு தெரியாமல் திருடுகிறார். ஒவ்வொரு திருட்டுக்கும் பிறகும், அவர் சிரித்துக்கொண்டே, எதையோ சாதித்தவன்போல் ரியாக்ஷன் கொடுக்கிறார். இந்தக் காணொளி சமூக வலைதளங்களில் பரவி, பலரும் அதிர்ச்சியடைந்துள்ளனர்.
இந்த சம்பவம், விற்பனையாளர்களின் உழைப்பை அவமதிக்கும் செயலாகக் கருதப்பட்டு, நெட்டிசன்கள் இளைஞரை கடுமையாக விமர்சித்து வருகின்றனர். “இது காமெடி அல்ல, திருட்டு” என்று கூறி, அவரை கைது செய்ய வேண்டும் என்பனர். சிலர், விற்பனையாளர்களை பாதுகாக்க ஏதாவது ஏற்பாடுகள் செய்ய வேண்டும் என்று கோருகின்றனர். இந்த வீடியோ, ரயில்களில் திருட்டுகளைத் தடுக்க, பயணிகள் எச்சரிக்கையாக இருக்க வேண்டும் என்பதை உணர்த்துகிறது. வயிற்றுப் பிழைப்புக்காக உழைப்பவர்களை மதிக்க வேண்டும் என்பது இதன் பாடம்.
