உத்தரப்பிரதேச மாநிலம் கோண்டா பகுதியில், இளம்பெண் ஒருவர் வாலிபரால் பெட்ரோல் ஊற்றி எரிக்கப்பட்ட சம்பவம் ஒட்டுமொத்த நாட்டையும் அதிர வைத்துள்ளது.
அந்தப் பகுதியைச் சேர்ந்த வாலிபர் ஒருவர், அந்தப் பெண்ணைத் தம்மைக் காதலிக்குமாறு தொடர்ந்து வற்புறுத்தி வந்துள்ளார். இதற்கு அந்தப் பெண் மறுப்புத் தெரிவித்ததால் ஆத்திரமடைந்த அந்த வாலிபர், ஆள் நடமாட்டம் இல்லாத நேரத்தில் அந்தப் பெண்ணைத் தடுத்து நிறுத்தி மறைத்து வைத்திருந்த பெட்ரோலை அவர் மீது ஊற்றித் தீ வைத்துள்ளார்.
இதில் உடல் கருகி உயிருக்குத் துடித்த அந்தப் பெண்ணின் அலறல் சத்தம் கேட்டு ஓடி வந்த அக்கம் பக்கத்தினர், அவரை மீட்டு மருத்துவமனையில் அனுமதித்தனர்.
தற்போது அந்தப் பெண் உயிருக்கு ஆபத்தான நிலையில் சிகிச்சை பெற்று வருகிறார். இந்தச் சம்பவம் குறித்துப் புகாரைப் பதிவு செய்த காவல்துறையினர், தலைமறைவாக இருந்த அந்த வாலிபரை அதிரடியாகக் கைது செய்து சிறையில் அடைத்தனர். பெண்ணுக்கு நேர்ந்த இந்தத் துயரம் அந்தப் பகுதியில் பெரும் கொந்தளிப்பை ஏற்படுத்தியுள்ளது.
