திமுக கூட்டணியில் இருந்து மதிமுக அதிகாரப்பூர்வமாக வெளியேறியுள்ள விவகாரம், தமிழக அரசியல் களத்தில் அடுத்தடுத்த அதிரடி விவாதங்களைக் கிளப்பியுள்ள நிலையில், இதற்குப் பின்னால் இருந்த மிக முக்கியமான தொகுதிப் பங்கீட்டு அசிங்கங்களும், அவமதிப்புகளும் தற்போது வெளிச்சத்திற்கு வந்து அறிவாலய வட்டாரத்தை அதிரவைத்துள்ளன. கடந்த 2019 நாடாளுமன்றத் தேர்தல் முதல் சமீபத்தில் நடந்த சட்டமன்றத் தேர்தல் வரை திமுகவின் மிகத் தீவிரமான விசுவாசியாகப் பயணித்த மதிமுகவை, தேர்தல் தொகுதிப் பங்கீட்டின் போது திமுக மிகக் கேவலமாக நடத்தியதே இந்தக் கூட்டணி முறிவுக்கு மிக முக்கியக் காரணமாகப் பார்க்கப்படுகிறது.

​தேர்தல் நேரத்தில் மதிமுகவுக்கு வெறும் மொடக்குறிச்சி, மதுரை தெற்கு, கடையநல்லூர், சீர்காழி என வெறும் 4 தொகுதிகளை மட்டுமே பிச்சை போடுவது போல் ஒதுக்கிய திமுக மேலிடம், வைகோவின் சொந்த பம்பரம் சின்னத்தைக் கூட பயன்படுத்த விடாமல், திமுகவின் உதயசூரியன் சின்னத்திலேயே நிற்க வேண்டும் என்று கட்டாயப்படுத்தி மதிமுகவின் அடையாளத்தை முற்றிலும் முடக்கப் பார்த்தது. இதனால் வைகோ மற்றும் மதிமுக தொண்டர்கள் கடும் அதிருப்தியிலும், ஆத்திரத்திலும் இருந்து வந்தனர்.

​இந்தச் சூழலில் தான், சில தினங்களுக்கு முன்பு தற்போதைய முதலமைச்சர் விஜய்யை வைகோ அவர்கள் நேரில் சந்தித்துப் பேசினார். “விஜய்யை வைகோ நேர்ல சந்திச்சப்பவே திமுக-வுக்குக் காய்ச்சல் வந்துடுச்சு” என்று அரசியல் விமர்சகர்கள் பேசி வந்த நிலையில், அந்தச் சந்திப்பிலேயே திமுக கூட்டணிக்கு முற்றிலுமாக முடிவுரை எழுதப்பட்டுவிட்டது என்பதை நிரூபிக்கும் வகையில் இன்று மதிமுக அதிகாரப்பூர்வமாகக் கூட்டணியை விட்டு வெளியேறி திமுகவுக்கு மாபெரும் மரண அடியைக் கொடுத்துள்ளது. இந்த அதிரடி விவகாரம் தற்போது தமிழக சோசியல் மீடியாக்கள் முழுவதும் காட்டுத்தீயாய் பரவி அரசியல் அனலைக் கூட்டி வருகிறது.