சட்டப்பேரவைத் தேர்தல் நெருங்கும் சூழலில், அதிமுக – பாஜக கூட்டணியில் அமமுக இணைந்ததைத் தொடர்ந்து, தற்போது ஓ. பன்னீர்செல்வம் அவர்களும் மீண்டும் அணியில் இணைய வாய்ப்புள்ளதாகத் தகவல்கள் கசிகின்றன. டிடிவி தினகரன் ஏற்கனவே எடப்பாடியார் (EPS) தலைமையிலான கூட்டணியில் இணைந்துவிட்ட நிலையில், ஓபிஎஸ்-ஐயும் கூட்டணியில் சேர்ப்பதற்கு எடப்பாடியார் ஒருவழியாகச் சம்மதம் தெரிவித்துள்ளதாகக் கூறப்படுகிறது. இதன் மூலம் அதிமுகவின் சிதறிய பிரிவுகள் மீண்டும் ஒரே குடையின் கீழ் வரத் தொடங்கியுள்ளன.
இந்தத் தொகுதிப் பங்கீட்டுப் பேச்சுவார்த்தையின்படி, ஓபிஎஸ் தரப்பிற்கு மொத்தம் 3 தொகுதிகள் ஒதுக்கப்பட வாய்ப்புள்ளதாகத் தெரிகிறது. குறிப்பாக, அவர் தனது செல்வாக்குமிக்க கோட்டையான போடி தொகுதியிலேயே மீண்டும் போட்டியிட அதிக வாய்ப்பிருப்பதாகக் கட்சி வட்டாரங்கள் தெரிவிக்கின்றன. மீண்டும் பழைய பாசறையில் இணைந்து, தனது பலத்தைக் காட்ட ஓபிஎஸ் தயாராகி வருவதால் தேனி மாவட்ட அரசியலில் இப்போதே அனல் பறக்கத் தொடங்கியுள்ளது.
