உத்தரப்பிரதேச மாநிலத்தின் காசியாபாத் மாவட்டத்தில் உள்ள மோதிநகர் என்ற இடத்தில், ஒரு சிறுமி தனது மாமா மகனால் பாலியல் வன்கொடுமைக்கு ஆளாகியுள்ளார். கடந்த மார்ச் மாதம், அந்தப் சிறுமி வீட்டில் தனியாக இருந்தபோது, அவரது மாமா மகன் திருமண அழைப்பிதழ் கொடுக்க வருவதாகக் கூறி வீட்டுக்கு வந்தார். அப்போது, அவர் சிறுமியை பலவந்தமாக தாக்கி, ஆபாச வீடியோவை தனது மொபைலில் பதிவு செய்தார். பின்னர், இந்த வீடியோவை உறவினர்களுக்கு வாட்ஸ்அப்பில் அனுப்புவேன் என்று மிரட்டி, பலமுறை அந்தப் சிறுமியை பாலியல் பலாத்காரம் செய்தார்.

சிறுமி எதிர்த்தபோது, அவரை அடித்து துன்புறுத்தியதாகவும் கூறப்படுகிறது. பயத்தால் வாய் திறக்காமல் இருந்த சிறுமி, இறுதியாக தனது குடும்பத்தினரிடம் இந்த கொடுமையைப் பகிர்ந்தார். குடும்பத்தினர் மோதிநகர் காவல் நிலையத்தில் புகார் கொடுத்தனர். இதையடுத்து காவல்துறை, சிறுமிக்கு மருத்துவ பரிசோதனை செய்து, குற்றவாளி மீது பாலியல் வன்கொடுமை மற்றும் குழந்தைகளுக்கு எதிரான பாலியல் குற்றங்களைத் தடுக்கும் POCSO சட்டத்தின் கீழ் வழக்கு பதிவு செய்துள்ளது. தற்போது குற்றவாளியைப் பிடிக்க காவல்துறை தீவிரமாகத் தேடி வருகிறது, விரைவில் அவர் கைது செய்யப்படுவார் என்று கூறியுள்ளனர்.