தமிழக வெற்றிக் கழகத்தில் இணைந்த பிறகு செய்தியாளர்களைச் சந்தித்த முன்னாள் அமைச்சர் கு.ப.கிருஷ்ணன், தவெக-வின் எதிர்காலம் குறித்து மிகத் துணிச்சலான கருத்துகளைப் பகிர்ந்து கொண்டார். “தலைவர் விஜய்யின் கொள்கைகளும், அவரது செயல்பாடுகளும் தமிழக மக்களிடையே மிகப்பெரிய வரவேற்பைப் பெற்றுள்ளன. இன்று தமிழக மக்கள் ஒரு மாற்றத்திற்காக ஏங்கிக்கொண்டிருக்கிறார்கள். அந்த மாற்றத்தை வழங்கும் ஒரே சக்தியாகத் தமிழக வெற்றிக் கழகம் உருவெடுத்துள்ளது. நாளைக்கே தேர்தல் அறிவிக்கப்பட்டாலும், தவெக மிகப்பெரிய வெற்றியைப் பெற்று ஆட்சி அமைக்கும்” என்று அவர் மிகுந்த தன்னம்பிக்கையுடன் தெரிவித்தார்.

​முன்னாள் முதல்வர் ஓ.பன்னீர்செல்வத்தின் (OPS) அணியிலிருந்து விலகியது குறித்துப் பேசிய அவர், தமிழகத்தின் நலனுக்காகவும், நேர்மையான அரசியலை முன்னெடுக்கவும் தலைவர் விஜய்யுடன் கைகோர்த்துள்ளதாகக் குறிப்பிட்டார். 1991 – 1996 காலக்கட்டத்தில் அமைச்சராகப் பணியாற்றிய அனுபவம் கொண்ட கு.ப.கிருஷ்ணன், தவெக-வின் பலத்தை உணர்ந்து இந்தத் கருத்தைக் கூறியிருப்பது அரசியல் விமர்சகர்களின் கவனத்தை ஈர்த்துள்ளது. 2026 தேர்தலுக்கு இன்னும் காலம் இருந்தாலும், “நாளைக்கே தேர்தல்” என்ற அவரது முழக்கம் தவெக-வின் அசுர வளர்ச்சியைப் பறைசாற்றுவதாக அமைந்துள்ளது.