சட்டப்பேரவை தேர்தல் நெருங்கி வரும் வேளையில், அதிமுகவில் இருந்து நீக்கப்பட்ட ஓ.பன்னீர்செல்வம், தனது அடுத்தகட்ட அரசியல் முடிவு குறித்து தை மாதம் அறிவிப்பதாகச் சொல்லியிருந்தார். ஆனால், தற்போது தை மாதமே முடியப்போகும் நிலையிலும் அவர் எந்த அறிவிப்பையும் வெளியிடாமல் மௌனம் காத்து வருகிறார். இதனால் “தை பிறந்தால் வழி பிறக்கும்” என்று காத்திருந்த அவரது ஆதரவாளர்கள், எந்த முடிவும் தெரியாமல் மிகுந்த குழப்பத்திலும் தவிப்பிலும் உள்ளனர்.
தலைவரிடம் இருந்து சரியான தகவல் வராததால் அதிருப்தி அடைந்த முக்கிய நிர்வாகிகள் பலர், மாற்றுத் தேடி வேறு கட்சிகளுக்குத் தாவத் தொடங்கியுள்ளனர். ஓபிஎஸ்ஸின் இந்தத் தாமதம் அவரது அரசியல் எதிர்காலத்தையே கேள்விக்குறியாக்கி விடுமோ என்ற அச்சம் அவரது ஆதரவாளர்களிடையே எழுந்துள்ளது. ஒரு பக்கம் தேர்தல் களம் சூடுபிடித்துள்ள நிலையில், ஓபிஎஸ் எப்போது தனது மௌனத்தை உடைப்பார் என்பதே தமிழக அரசியலில் இப்போது மில்லியன் டாலர் கேள்வியாக இருக்கிறது.
