மதுரை மேற்கு தொகுதியில் நடைபெற்ற கலைஞர் பிறந்தநாள் விழாவில் பேசிய திமுக நிர்வாகி மூர்த்தி, தங்களது தேர்தல் தோல்வி குறித்து மேடையிலேயே மிகவும் வெளிப்படையாகவும் காரசாரமாகவும் சுயவிமர்சனம் செய்து பேசியுள்ளது அரசியல் வட்டாரத்தில் பெரும் பரபரப்பை ஏற்படுத்தியுள்ளது. மேடையில் பேசிய அவர், “இந்தத் தேர்தலில் மக்கள் நமக்கு நல்ல பாடம் புகட்டியிருக்கிறார்கள்; அந்தப் பாடத்திற்கு முதலில் வாக்காளர்களுக்கு நன்றியைத் தெரிவித்துக் கொள்கிறேன். ஆமாம், நாம் தோற்றுப் போயிருக்கிறோம், அதனால்தான் இப்படி விளங்காமல் உட்கார்ந்திருக்கிறோம். திமுக நாசமாய்ப் போனதற்கு காரணமே திமுககாரன் தான்” என்று சொந்தக் கட்சியினரையே ஓப்பனாக சாடினார்.
மேலும் பேசிய மூர்த்தி, கடந்த ஒரு வருட காலத்தில் மதுரை மேற்கு தொகுதியில் ஊரணி, பூங்கா, மீனாட்சி அம்மன் கோவில் இடம் என மக்கள் கேட்ட அனைத்து அடிப்படைத் தேவைகளையும் செய்து கொடுத்த போதிலும், மக்கள் நல்லது செய்ததைப் பார்த்து ஓட்டுப் போடாமல், இந்த முறை தங்களை வீழ்த்த வேண்டும் என்ற ஒரு தீர்க்கமான முடிவோடுதான் ஓட்டுப் போட்டிருக்கிறார்கள் என்று ஆதங்கத்தை வெளிப்படுத்தினார். மக்கள் கொடுத்த இந்த அடியைப் பற்றி இனி திமுக பேசுவதற்கோ அல்லது யாரைக் குறை சொல்வதற்கோ எந்த வேலைகளும் இல்லை என்று மூர்த்தி பேசிய வீடியோ தற்போது அல்காரிதம்களை அதிர வைத்து சமூக வலைத்தளங்களில் காட்டுத்தீயாய் பரவி வருகிறது.
