தமிழகத்தில் தீபாவளிக்கு மறுநாள் நவம்பர் 13ஆம் தேதி விடுமுறை விடப்படுவதாக அரசு அறிவித்துள்ளது. இந்த விடுமுறையை ஈடு செய்யும் வகையில் நவம்பர் 18ஆம் தேதி வேலை நாளாக இருக்கும் என அறிவிக்கப்பட்டுள்ளது. தீபாவளி பண்டிகை நவம்பர் 12ஆம் தேதி ஞாயிற்றுக்கிழமை கொண்டாடப்பட உள்ள நிலையில் மக்கள் பலரும் சொந்த ஊர்களுக்கு சென்று கொண்டாடி மீண்டும் ஊர் திரும்ப வேண்டிய சூழல் ஏற்பட்டுள்ளதால், தீபாவளிக்கு மறுநாள் நவம்பர் 13ஆம் தேதி திங்கட்கிழமை தமிழகம் முழுவதும் உள்ள அனைத்து அரசு அலுவலகங்கள், பொதுத்துறை நிறுவனங்கள், பள்ளிகள், கல்லூரிகள் மற்றும் கல்வி நிறுவனங்களுக்கு விடுமுறை அளிக்கப்படும் என தெரிவிக்கப்பட்டுள்ளது.