கடவுளின் சன்னதியாகவும், தூய்மையான வழிபாட்டுத் தலமாகவும் கருதப்படும் கோவில் கருவறைக்குள் நடந்தேறியுள்ள ஒரு கொடூரமான செயல் ஒட்டுமொத்த ஐதராபாத் பகுதியை நடுங்க வைத்துள்ளது. அதாவது ராமச்சந்திராபுரம் பகுதியில் உள்ள கோவில் ஒன்றில், பூசாரி ஒருவர் சிறுமியிடம் அநாகரிகமாக நடந்து கொண்ட சம்பவம் அப்பகுதியில் பெரும் கொந்தளிப்பை ஏற்படுத்தியுள்ளது.
ராமச்சந்திராபுரத்தில் உள்ள ஒரு உள்ளூர் கோவிலில் சாயம் என்ற வயதான முதியவர் பூசாரியாகப் பணிபுரிந்து வருகிறார். சம்பவத்தன்று அந்தக்கோவிலின் கருவறைப் பகுதிக்கு வெளியே இருந்து கதவு பூட்டப்பட்டிருந்ததைக் கண்டு அப்பகுதி மக்களுக்கும், கிராமப் பெரியவர்களுக்கும் கடுமையான சந்தேகம் எழுந்துள்ளது.
உடனே அவர்கள் சற்றும் தாமதிக்காமல் எச்சரிக்கையுடன் செயல்பட்டு, கோவில் கதவுகளைத் திறந்து உள்ளே சென்று பார்த்தனர். அங்கே கோவிலின் புனிதமான கருவறைக்குள் அந்தப் பூசாரி சாயம், ஒரு சிறுமதியுடன் மிகவும் அநாகரிகமான முறையில் நடந்துகொண்டிருப்பதைக் கண்டு கண்முன்னே நடப்பதை நம்ப முடியாமல் அதிர்ந்து போயினர்.
View this post on Instagram
கோவிலின் புனிதத்தைக் கெடுக்கும் வகையில் நடந்த இந்தச் செயலால் கொதித்தெழுந்த அப்பகுதி மக்கள், அந்த வயதான பூசாரியை அங்கிருந்து தப்பவிடாமல் கையும் களவுமாகப் பிடித்துச் சிறைபிடித்தனர். உடனடியாக ராமச்சந்திராபுரம் காவல் நிலையத்திற்குக் கலகலப்பான தகவலும் தெரிவித்தனர்.
தகவலின் பேரில் மின்னல் வேகத்தில் விரைந்து வந்த காவல்துறையினர், அந்தச் சிறுமியைப் பாதுகாப்பாக மீட்டுள்ளனர். மேலும், குற்றச் செயலில் ஈடுபட்ட பூசாரி சாயத்தைக் கைது செய்து காவல் நிலையத்திற்கு அழைத்துச் சென்று தீவிர விசாரணை நடத்தி வருகின்றனர். இதற்கிடையில், கோவிலுக்குள் இதுபோன்ற சமூகத்திற்கு எதிரான முறைகேடான செயல்கள் நடப்பது இது முதல் முறையல்ல என்றும், இதுகுறித்து ஏற்கெனவே காவல்துறையினரிடம் புகார் அளிக்கப்பட்டிருந்ததாகவும் ஆவேசத்துடன் பொதுமக்கள் தெரிவித்துள்ளனர்.
பாதிக்கப்பட்ட சிறுமி மைனர் என்பதால், சட்ட விதிகளின்படி காவல்துறையினர் சிறுமியின் விவரங்களை பாதுகாத்து வருகின்றனர். மேலும், அந்தச் சிறுமிக்கு மருத்துவப் பரிசோதனைகள் மேற்கொள்ளப்பட்டதோடு, வாக்குமூலம் பதிவு செய்யும் நடவடிக்கைகளையும் போலீசார் தொடங்கியுள்ளனர்.
இந்த வழக்கை வெறும் சாதாரண குற்றமாகப் பார்க்காமல் அனைத்து கோணங்களிலும் விசாரித்து வருவதாகக் காவல்துறையினர் தெரிவித்துள்ளனர். சிறுமி எந்தச் சூழலில் கோவிலுக்கு வந்தார்? பூசாரிக்கு முன்னரே அந்தச் சிறுமியைத் தெரியுமா? அல்லது இந்தச் செயலில் வேறு யாருக்கேனும் தொடர்புள்ளதா? என்பது குறித்து தீவிர விசாரணை நடைபெற்று வருகிறது.
