கனமழை எச்சரிக்கை காரணமாக ஊட்டி மலை ரயில் சேவை ஜனவரி 11ஆம் தேதி வரை ரத்து செய்யப்படுவதாக அறிவிக்கப்பட்டுள்ளது. இது தொடர்பாக சேலம் கோட்ட ரயில்வே நிர்வாகம் வெளியிட்டுள்ள செய்தியில், கனமழை எச்சரிக்கை காரணமாகவும் மேட்டுப்பாளையம் மற்றும் குன்னூர் இடையே ரயில் தண்டவாளத்தில் மண் சரிவு ஏற்பட்டுள்ளதாலும் ஜனவரி 11ஆம் தேதி வரை ஊட்டி மலை ரயில் சேவை ரத்து செய்யப்படுகிறது என அறிவிக்கப்பட்டுள்ளது. ஊட்டிக்கு சுற்றுலா சென்றுள்ள சுற்றுலா பயணிகள் மத்தியில் இது ஏமாற்றத்தை ஏற்படுத்தியுள்ளது.