சென்னையில் லாரிகள் மூலமாக குடிநீர் விநியோகம் பெறுவதற்கு உதவி எண்கள் அறிவிக்கப்பட்டுள்ளது. சென்னையில் புயல் காரணமாக பெய்த கனமழையால் பல இடங்களில் வெள்ள நீர் சூழ்ந்துள்ளது. மின்விநியோகமும் நிறுத்தப்பட்டுள்ளதால் குடிநீர் தட்டுப்பாடு ஏற்பட்டுள்ளது. இந்த நிலையில் சென்னையில் லாரிகள் மூலம் குடிநீர் பெறுவதற்கு 1916 மற்றும் 044-45674567 ஆகிய எண்களை பொதுமக்கள் தொடர்பு கொள்ளலாம். குடிநீர் வாரியத்தின் குடிநீர் தொட்டிகள் மற்றும் பொது பயன்பாட்டிற்கு இலவச குடிநீர் வழங்கப்படும் என சென்னை பெருநகர குடிநீர் வழங்கல் மற்றும் கழிவு நீரகற்று வாரியம் அறிவித்துள்ளது.