முன்பெல்லாம் தமிழ்நாடு சட்டப்பேரவை நிகழ்வுகள் அனைத்தும் தொலைக்காட்சி அல்லது இணையதளங்களில் நேரடியாக ஒளிபரப்பப்பட்டதில்லை. சட்டப்பேரவையில் எம்.எல்.ஏ-க்களும் அமைச்சர்களும் என்ன பேசுகிறார்கள், மக்களின் பிரச்சனைகள் குறித்து எப்படி விவாதிக்கப்படுகிறது என்பதைப் பொதுமக்கள் உடனுக்குடன் தெரிந்துகொள்ள முடிவதில்லை.

ஆனால், தற்போதைய திமுக அரசு பொறுப்பேற்ற பிறகு, இந்த நடைமுறையில் மிகப்பெரிய மாற்றம் கொண்டுவரப்பட்டது. முதலமைச்சர் மு.க.ஸ்டாலின் அவர்களின் முயற்சியால், தமிழ்நாடு சட்டப்பேரவை நிகழ்வுகள் அனைத்தும் தற்போது நேரலையில் ஒளிபரப்பப்பட்டு வருகின்றன.

இதன் மூலம் மக்கள் தங்கள் பகுதியைச் சேர்ந்த மக்கள் பிரதிநிதிகள் சட்டப்பேரவையில் எவ்வாறு செயல்படுகிறார்கள் என்பதைத் தங்கள் வீடுகளிலிருந்தே நேரடியாகப் பார்க்கும் வாய்ப்பைப் பெற்றுள்ளனர். அரசின் திட்டங்கள் மற்றும் முடிவுகள் குறித்த விவாதங்களை வெளிப்படையாக அறிந்துகொள்ள இது மிகவும் உதவிகரமாக உள்ளது.

இத்திட்டம் குறித்துப் பேசிய தேமுதிக பொதுச்செயலாளர் பிரேமலதா விஜயகாந்த், “சட்டப்பேரவை நிகழ்வுகளை நேரலையில் ஒளிபரப்ப வேண்டும் என்பது கேப்டன் விஜயகாந்த் அவர்கள் அன்றே கொண்டு வர நினைத்த ஒன்று. அவர் கொண்டு வர நினைத்ததை இன்று தமிழக முதலமைச்சர் நிறைவேற்றிக் காட்டியுள்ளார்” என்று கூறி தனது மனமார்ந்த நன்றியைத் தெரிவித்துள்ளார்.

“>

காலமாற்றத்திற்கு ஏற்ப சட்டப்பேரவை நிகழ்வுகளைத் தொடர்ச்சியாக நேரலை செய்து, மக்களின் தகவல் அறியும் உரிமையை உறுதி செய்ததற்காகத் தமிழக முதலமைச்சருக்குப் பொதுமக்கள், அரசியல் தலைவர்கள் மற்றும் சமூக ஆர்வலர்கள் தங்களது நன்றிகளைத் தெரிவித்து வருகின்றனர்.